මෙහෙම කියන්නේ වසර 20කට වඩා කාලයක් වනජීවි සමඟ කටයුතු කරපු සෆාරි ක්‍රියාකරුවෙකු වන Kurt Schultz විසින්.
Lion King චිත්‍රපටයේ නම් බැබූන් කෙනෙක් සිංහ පැටවෙක් අහස දෙසට දික් කරලා, වනන්තරයේ නව නායකයාව නැත්නම් රජතුමා හඳුන්වා දෙනවා. ඉතින් පහළ ඡායාරූපවල සිදුවීම දැකපු අයත් මේ ගැන කියලා තිබුණේ Lion King වගේ කියලා.
හැබැයි සැබෑ කතාව නම් ඊටත් වඩා සෑහෙන්න අමිහිරි කතාවක්.
කර්ට් මේ ගැන කියලා තිබුණේ මේ බැබූන් වඳුරා ඔහු මුලින්ම වැඳිරියක් කියලා හිතලා තිබුණේ. පස්සේ ඔහු ගත්ත ඡායාරූප දැකලා තමා පිරිමි සතෙක් කියලා හඳුනා ගෙන තියෙන්නේ.
ඔහු කියන විදිහට මේ බැබූන් වඳුරා මේ සිංහ පැටවාට සලකලා තියෙන්නේ, හරියට බැබූන් පැටවෙකුට වගේ.
අනිත් බැබූන්ලාගෙන් ඈත් වෙලා මෙයා වෙනම මේ සිංහ පැටියාව බලාගන්න එකත්, ගහෙන් ගහට මාරු වෙන එකත් ඔහු මීට පෙර දැකපු සිදුවීම්වලට වඩා සෑහෙන්න වෙනස් බවයි කර්ට් කියන්නේ.
ඒ වගේම මේ සිදුවීම වුණු 2020 වසරේ පෙබරවාරි 01 වනදා අධික උණුසුම් ගතියක් දකුණු අප්‍රිකාවේ කූගර් වනෝද්‍යානයේ පැවති බවත් කර්ට් පවසා තිබුණා. ඒ නිසාම සිංහ පැටවා දැඩි ලෙස වෙහෙසට පත් වෙලා තමා ඉඳලා තියෙන්නේ.
මේ මොනවා වුණත් ස්භාවධර්මයේ නීතියක් කියලා දෙයක් තියෙනවා. ඉතින් හැමදෙම වෙන්නේ ඒ නීතිය අනුවයි, කර්ට් කියන විදිහට ඒක Lion King තරම් සුන්දර නැහැ.
සාමාන්‍යයෙන් බැබූන් ලා කියන්නේ ඉතාමත් ශක්තිමත් සහ ආක්‍රමණශිලි වානරයක් පිරිසක්. ඉතින් මෙයාලා රංචුවක් අතරට සිංහ පැටවෙකු අහු වෙනවා කියන්නේ, සිංහයන් පවා ඒ පැටවා බේරාගන්න උත්සාහ කරන්න තියෙන අවස්ථාව අඩුයි.
මෙයාලා ගොඩාක් වෙලාවට දිවියන්ගේ පැටව් එහෙම අහු වුණාම මරලා දානවා. ඒකට හේතුවක් තමයි බැබූන්ලාට ඕන නෑ ඒ පැටව් ලොකු වෙලා එයාලාට තර්ජනයක් වෙනවාට. ඉන්න ඒ නිසා මරලා දානවා කියලා සඳහන් වෙනවා.
කර්ට් මේ සිදුවීම් ඇස් දෙකට දැකලා තියෙන බවත් සිංහ පැටවුන් ද එලෙසම මරා දමන බවත් ඔහු අසා ඇති බවත් කියලා තියෙනවා. ඉතින් කර්ට් කියන්නේ මේ සිංහ පැටවාගේ ඉරණමත් ඒ විදිහට විසඳෙන්න ඇති කියලයි.
