ජනාධිපති කාර්යාලයෙහි පිවිසුම් අංක 1 සහ 2 අසල විරෝධතාවයෙහි නිරත වී සිටි පිරිසක් පොලිසිය විසින් අත්අඩංගුවට ගෙන තිබේ.
ඒ අතර මීට පෙර පොලීසියෙන් පැහැරගත් තිසර අනුරුද්ධ බණ්ඩාර නම් සමාජ ක්‍රියාකාරී තරුණයාද සිටින බවයි වාර්තා වන්නේ.
තිසර අනුරුද්ධ බණ්ඩාර අප්‍රේල් 03 විරෝධතාවය සංවිධානය කළ පුද්ගලයන්ගෙන් එක් අයෙක් වන අතර GoHomeGota2022 ෆේස්බුක් කණ්ඩායමේ ඇඩ්මින්වරයෙක් ලෙසද ක්‍රියාකර තිබෙනවා.
ජනාධිපතිවරයට සහ අණ්ඩුවට ගෙදර යන ලෙස බල කරමින් ජනාධිපති ලේකම් කර්යලය ඉදිරිපිට පවත්වා ගෙන යන විරෝධතාවය අද උදෑසන වන විට උණුසුම් වී තිබේ. ඒ අරලගකරුවන් විසින් ලේකම් කර්යාලයට අතුළු වන අනෙකුත් පිවිසුම් මර්ගද අවහිර කර අට්ටාල ඉදිකිරීමත් සමගයි.
මීට මඳ වේලාවකට පෙර පොලිසිය විසින් අරගලයේ යෙදී සිටි ක්‍රියාකාරීන් 19 දෙනෙකු අත් අඩංගුවට ගෙන ඇති බවයි වාර්තා වේ.
මේ වනවිට ලෝටස් වටරවුම අසලින් මාර්ගය ද අවහිර වී ඇති අතර ප්‍රදේශයට දැඩි හමුදා ආරක්ෂාවක් ද යොදවා ඇති බව සඳහන් වේ.
ගෝල්ෆේස් රැඳී සිටින අරගලකරුවන් සමාජ මාධ්‍ය හරහා හැකි සියලු දෙනාට ගෝල්ෆේස් වෙත පැමිණෙන ලෙස පවසයි.
