තරගකාරී ටෙන්ඩර් ක්‍රියා පටිපාටියෙන් බැහැරව විදුලිය ව්‍යාපෘති ක්‍රියාත්මක කිරීමට අවශ්‍ය පහසුකම් සපයන නව විදුලිබල පනත් සංශෝධන කෙටුම්පතට හෙට පාර්ලිමේන්තුවේ අනුමැතිය ලබා ගැනීමට කටයුතු කරන බව අද විදුලිබල හා බලශක්ති අමාත්‍ය කංචන විජේසේකර පවසා සිටියා.

හෙට පාර්ලිමේන්තුවට ඉදිරිපත් කර දෙවැනි වර කියවීමේ විවාදයෙන් පසුව සම්මත කර ගැනීමට සූදානම් වන සංශෝධනයට එරෙහිව ලංකා විදුලිබල මණ්ඩලයේ ඉංජිනේරු සංගමය විරෝධය පලකරනවා. එපමණක්ද නොව අද මධ්‍යම රාත්‍රියේ සිට විදුලි බල සංශෝධන පනත් කෙටුම්පත ට එරෙහිව වෘත්තීයය ක්‍රියාමාර්ග ගැනීමට ද ඔවුන් තීන්දු කර තියෙනවා. විදුලිබල බලශක්ති අමාත්‍යවරයා අද වෘත්තීය සමිති නායකයන් හට ඒ සම්බන්ධයෙන් කතාබහ කිරීමට අවස්ථාව සලසා දී තිබුණු අතර එහිදී මාත්‍යවරයා දැඩි ලෙස පෙනී සිට තිබෙන්නේ පනත සම්මත කර ගැනීමේ අරමුණ ඇතිවයි.

වෘත්තීය සමිති චෝදනා කරන්නේ මෙම පනත හරහා සිදුකිරීමට නියමිතව තිබෙන්නේ අදානි සමාගමේ අවශ්‍යතාවය බවත් පනත සම්මත වූවායින් පසුව සමාගම්වලට කිසිදු බාධාවකින් තොරව විදුලි බිල වැඩි කිරීමේ අවස්ථාව සැලසෙන බවයි. ඒ අනුව දුෂ්කරතාවයට පත් වී සිටින ජනතාව තවදුරටත් පීඩාවට පත් කිරීම සඳහා මෙම පනත ඉදිරියේ දී ක්‍රයාත්මක වනු ඇතැයි ඔවුන් පෙන්වා දෙනවා.

මෙම පනතට විරුද්ධ වන්නන් බලශක්ති ඇමති හඳුන්වන්නේ ඉන්ධන බලාගාර වලට සහාය දක්වන්නන් සහ ඉන් කොමිස් මුදල් ලබා ගන්නා ඉංජිනේරුවන් ලෙසයි.

මෙලෙස හෙට දින සම්මත කරගැනීමට අර අදින්නේ අප්‍රියල් මස 29 වැනිදා ගැසට් මගින් ප්‍රකාශයට පත් කළ විදුලි බල සංශෝධන පනත් කෙටුම්පතයි .මෙම පනත් සංශෝධනය සිදු වීමෙන් පසුව ඉන්දියාවට අතිරික්ත විදුලි බලය ලබාදීමට ද හැකියාව ලැබෙනු ඇතැයි අමාත්‍යවරයා අද පාර්ලිමේන්තුවේ දී ප්‍රකාශ කරනු ලැබුවා. කංචන විජේසේකර අමාත්‍යවරයා දැනුවත්ව හෝ නොදැනුවත්ව කළත් මෙය බොහෝ පැරණි විහිළුවකි.

හෙට සම්මත කර ගැනීමට නියමිත පනත් කෙටුම්පත

Click to access 203-2022_S.pdf