යුද්ධයේදී මිය ගිය උතුරු නැගෙනහිර ජනතාව සිහිපත් කිරීම සඳහා 2019 වර්ෂයේ යුද්ධය අවසන් වී දස වසරක් පිරීම හේතුවෙන් යාපනය විශ්වවිද්යාල භූමිය තුළ තිබූ මළවුන්ගේ ස්මාරකය බලහත්කාරයෙන් කඩා ඉවත් කරන්නට පසුගිය ජනවාරි 8 වනදා කටයුතු කළා. මිලිටරි බලය පාවිච්චි කරමින් කළ මේ අත්තනෝමතික ජාතීන් අතර අසමගිය ඇති කරන ක්රියාවට එරෙහිව යාපනය විශ්ව විද්යාලයේ ශිෂ්ය ශිෂ්යාවන් සහ ජනතාව විරෝධතාවය පාමින් උද්ඝෝෂනයක් ගෙන ගිය අතර ශ්වවිද්යාල ශිෂ්යයන් උපවාසයක් ආරම්භ කළා.ඒ අතර අද දිනය හර්තාල් දිනයක් ලෙස නම් කරමින් ඊට විරෝධය දක්වන්නට ජනතාව සූදානමින් සිටියා.
මිලිටරි බලය පාවිච්චි කරමින් මේ ක්රියාවට එරෙහිව වාමාංශික ප්රගතිශීලී ජනතාව මෙන්ම ජාතික සමගිය වෙනුවෙන් පෙනී සිටින සියලු දෙනාගේ විරෝධය එල්ල වීමේ ප්රතිඵලයක් ලෙස ජනවාරි එකොලොස් වනදා වන විට ගත් අත්තනෝමතික ක්රියාව ආපස්සට ගනිමින් නැවත එම ස්මාරක ඉදිකිරීම සඳහා කටයුතු කිරීම සිදුවී තිබේ.ඒ අනුව අද දින එම ස්ථානයේම නැවත එම ස්මාරකය ඉදිකිරීමට අවශ්ය මුල් ගල් තැබීම විශ්ව විද්යාලයේ උප කුලපති එස්. සිරිසත්ගුණරාජා මහතාගේ ප්රධානත්වයෙන් සිදුවිය. උපවාසයේ යෙදී සිටි විශ්වවිද්යාල ශිෂ්යයන් ඔවුන්ගේ උපවාසයද අත්හැර දැමිය.
