Yuval Noah Harari කියන්නේ ඊශ්‍රායල් ජාතික ඉතිහාසඥයෙක් මෙන්ම සමාජ විද්‍යාඥයෙක් මෙන්ම ඊශ්‍රායලයේ Hebreu විශ්ව විද්‍යාලයේ මහාචාර්ය වරයෙක්. මෑත කාලයේ ඔහු ප්‍රකාශයට පත්කළ පොත් කිහිපයක් නිසා වර්තමානයේ ඔහු ඉතා ජනප්‍රිය සාස්ත්‍රඥ තරුවක් බවට ( interlectuval star ) පත්වෙලා තියනවා.

Sapians නොහොත් A Brief History of Humankind නමින් ඔහු 2014 ප්‍රකාශ කළ කෘතිය අද වනවිට ලොව පුරා භාෂා රාශියකටම පරිවර්ථනය වී ඇති අති ජනප්‍රිය කෘතියක්. මේ මානව ඉතිහාසයේ කථාව එහි වර්ථමානය සහ අනාගතය සමග සංසන්දනය කරමින් ඉතා තාර්කික සහ නිර්මාණාත්මක ලෙස රචනා කොට ඇති මෙම කෘතිය අද වනවිට ළමා පරපුරට පරිශීලනය කිරීමේ පහසුව පිණිස ග්‍රැපික් මාධයෙන් පවා ප්‍රකාශයට පත්කොට ඇත.

වසර 2016 දී පමණ ඔහු මෙම ක්ෂේත්‍රය අළලා තවත් අපූරු පොතක් පලකරනවා. එය නම්කොට ඇත්තේ Homo Deus නොහොත් A Brief History of Tomorrow යනුවෙනි. තාක්ෂණයේ අසීමාන්තික දියුණුව සමග මානව සමාජයේ සිදුවන පරිවර්තනය මෙහිදී විමසනවා.

ඔහුගේ කෘතියේ ආවසාන පරිච්චේදය නම්කොට ඇත්තේ දත්තවාදය නොහොත් Dataism යනුවෙනි. දත්ත සහ ඇල්ගරිදම් මගින් අනාගත ලෝකය පාලනය කරන බවත් ලෝක සමාජ සහ දේශපාලන ප්‍රමුකතා දත්තවාදයට අනුව යලිත් උඩුයටිකුරු වී සැකසෙන බව ඔහු උදාහරණ සහිත ගෙනහැර දක්වනවා.

මෙම වීඩියෝවෙන් දැක්වෙන්නේ Homo Deus කෘතිය ප්‍කාශයට පත්කළ අවස්ථාවේ දත්තවාදය ගැන ඔහු පලකල අදහස් සම්ච්චයක්.

මෙම වීඩියෝවේ ප්‍රති නිෂ්පාදනය Red Chilli Media වෙතිනි.

දත්තවාදය ගැන දන්නේ මොනවද ?