කුඩා කළ දුටු ජන්ම පත්‍රය
කියා සිටියා ජය වර්ණය
වෙන්නේම ලා නිල
උදෑසන අහසක
වලා කැටි තල්ලුකර ඈතට
ඉතිරිකර ගතිමි ලා නිල
වාරකන් නොවන සයුරක
සිහින් රැළිති මාලා ඉවත්කර
උරා ගත්තෙමි ලා නිල
කටරොළු මලක
වියපත් වෙන්න ඉස්සර
නෙලා ගත්තෙමි ලා නිල
දමා ගිය මොණර පියපතක
දූලි වැකෙන්නට පෙර
රැකගතිමි ලා නිල
හේතුව සඟවා සැමටම
නිදන කාමරේ බිත්ති
පින්තාරු කෙළෙමි ලා නිල
එක්තරා යුග අතීතෙක
හැඩයි කීවෙමි ඔබව
ගවුමකට පාටැති ලා නිල
අඳුරු පෑ මතකාන්දරයක
අදටත් ඉතිරිව හාත්පස
පරාජිත හිසින් බිම බලාගෙන
අහස් පාටැති ලා නිල
