රටේ ජනතාවට බලයක් නැහැ ඡන්දය ඇරුණහම දේශපාලකයෝ එක්ක කේවල් කරන්න. දේශපාලකයෝ එක්ක කේවල් කරන බලයක් හදන්න පුලුවන්ද? ඔව් ඒක කරන්න පුළුවන්. කොහොමද ඒක කරන්නේ…..
මේ පැනය ජනතාවගෙන් අසන්නේ අප්රේල් 28 වැනිදා කම්කරු පා ගමන ගෝල්ෆේස් අරගල භූමියට පැමිණි පසු පැවැති රැස්වීම අමතමින් කම්කරු අරගල මධ්යස්ථානයේ සංවිධායක ලේකම් දුමින්ද නාගමුවයි .
28 දින පැවැති සංකේත මහා වැඩ වර්ජනය අතිශයින්ම සාර්ථක විය. මෙතරම් විශාල වැඩ කරන ජනකායක්, මෙතරම් විශාල වෘත්තීය සමිති ප්රමාණයක් සහභාගී වූ සංකේත වර්ජනයක් මෑත කාලය තුළ ලංකාවේ නොවීය. කටුනායක, කොග්ගල වැනි අපනයන සැකසුම් කලාපවල සේවක සේවිකාවන්ද දහස් ගණනින් මෙම වර්ජනයටත්, විරෝධතා වලටත් එක්ව තිබීම කැපී පෙනෙන සිදුවීමකි. මෙහි තිබූ විශේෂත්වය නම් සේවක සේවිකාවන් ඉතාම ක්රියාශීලී ලෙස විරෝධතා වලට එක් වීමයි. වෙන කාලවලදී වැඩ වර්ජන දිනවල නිවෙස් වලට වී සිටින සේවකයින් පවා මෙවර එසේ නොකොට මහ පාරේ විරෝධය දැක්වීමට එක් විය. ලංකාවේ සියළුම පාහේ ප්රධාන නගර විරෝධතා පෙළපාලි වලින් පිරී ඉතිරී ගියේය. එය සෑම තරාතිරමකට අයත් වැඩකරන ජනතාව එක්සත්ව පොදු අරමුණක් වෙනුවෙන් හඬ නැගූ ඉතා විරල අවස්ථාවක් විය.
අප මීට කලින් නැවත නැවතත් කියා සිටි ආකාරයට වැඩකරන ජනතාව වැඩ වර්ජනයක් හරහා පවතින පාලනය අවසන් කිරීමට මෙම අරගලය ආරම්භයේ සිටම සූදානමින් සිටි බව අද දින වර්ජනයේ සාර්ථකත්වය විසින් මොනවට පෙන්නුම් කළේය. නිද්රාශීලි වෘත්තීය සමිති නායකයින් විසින් විවිධ උපාමාරු යොදමින් වැඩ කරන ජනතාව අරගලයට පැමිණීම දිනෙන් දින පමා කරමින් තිබුණි. වෘත්තීය සමිති නායකයින් විසින් කොළ එළිය දැල්වූ වහාම අරගලයට තමන් කොතරම් සූදානමකින් සිටියේද යන්න වැඩ කරන ජනතාව විසින් පෙන්නුම් කළේය. අද දින වැඩ කරන ජනතාව විසින් ආණ්ඩුවට මෙන්ම වෘත්තීය සමිති නායකයින්ටද ලබා දුන්නේ කදිම පණිවිඩයකි. ආණ්ඩුවට තව මොහොතක් හෝ බලයේ රැඳී සිටීමට අයිතියක් නැති බවත්, ආණ්ඩුව වහාම ගෙදර යායුතු බවත් ඔවුන් විසින් මහපාරේ මොරගා කියා සිටියේය. ඒ මොරගෑම අඛණ්ඩ මහා වැඩ වර්ජනයකට පන්තිය සෑම ආකාරයකින්ම සූදානම් බව වෘත්තීය සමිති නායකයින්ගේ ඇසට ඇඟිල්ලෙන් ඇන මතක් කර දීමක්ද විය.
වෘත්තීය සමිති නායකයන් විසින් තීන්දු කර තිබුණේ 28 දින සංකේත වැඩ වර්ජනයකුත්, මැයි 6 දින හර්තාලයකුත් පැවැත්වීමටය. එහෙත් අද දින ලංකාවේ බොහෝ නගරවල කඩ සාප්පු බොහොමයක් වසා තිබුණි. පිටකොටුවේ තොග වෙළඳ සල් පවා වසා දමා තිබුණි. ඇතැම් නගර මුළුමණින්ම වසා දමාය. ඒ අනුව අද දින පැවතියේ සංකේත වර්ජනයක් පමණක් නොව යම් ආකාරයක හර්තාල් තත්ත්වයකි. වෘත්තීය සමිති නායකයින්ට වඩා වැඩ කරන ජනතාව මෙන්ම අනෙකුත් ජන කොටස්ද බොහෝ ඉදිරියෙන් සිටින බව මොනවට පෙන්නුම් කළේය. මේ නිසා වෘත්තීය සමිති නායකයන්ට මේ මොහොතේ ක්ෂණිකව ගැනීමට ඇත්තේ එකම තීන්දුවකි. ඒ අඛණ්ඩ මහා වැඩ වර්ජනයක් කැඳවීම පමණි.
අරගලයට එහි නියම ජවය හා හැඩය ලබාදිය හැක්කේ කම්කරු පන්ති ව්යාපාරයට බවත්, වෘත්තීය සමිති නායකයන් මේ බව හොඳින් දන්නා නිසා ඔවුන් එම ජවය මුදා හැරීමට බියවී ඇති බවත් අපි කියා සිටියෙමු. එසේම ඇතැම් වෘත්තීය සමිති මීළඟ ජනාධිපති සිහිනය වපුරන දේශපාලන පක්ෂවල න්යාය පත්ර කර පින්නාගෙන සිටින බැවින් කම්කරුවන් අරගලයට කැඳවීමට බිය වී ඇති බවද අපි කියා සිටියෙමු. අද දිනද ජනාධිපති සිහිනය වපුරන දේශපාලන පක්ෂවල න්යාය පත්ර අනුව කටයුතු කරන වෘත්තීය සමිති නායකයන් විසින් අරගලය තුළ පන්තියේ එක්සත්කම පළුදු කරන ආකාරයෙන් ක්රියා කිරීම කණගාටුදායකය. කොළඹ අවට වැඩ වර්ජනයේ යෙදුණු අති බහුතරය ගෝටාගෝගම කරා ගමන් කරමින් එම විරෝධතාකරුවන් හා අත්වැල් බැඳ ගනිමින් එම අරගලය තමන්ගේද අරගලය බව කියා පාද්දී, ජනාධිපති සිහිනයෙන් සිහිය විකල් කරගත් දේශපාලන පක්ෂවල න්යාය පත්ර කර ගසාගෙන සිටින වෘත්තීය සමිති නායකයන් කොටුවේ වෙනම රැළියක් පැවැත්වීම ඛේදජනකය. සෑම අතින්ම එක්සත්ව පහර එල්ල කළ යුතු මොහොතේ මෙසේ පටු දේශපාලන න්යාය පත්ර මත පන්ති ව්යාපාරයේ එක්සත් කමට බාධා පැමිණවීම අපි පිළිකුල් සහගත ලෙස හෙළා දකිමු. ඉදිරියේදී හෝ එම වරද නිවරැදි කර ගන්නා මෙන් ඔවුන්ගෙන් සහෝදරාත්මකව ඉල්ලා සිටිමු.
වැඩ කරන පන්තියේ එක්සත්කමත්, වැඩ කරන පන්තියේ වුවමනාවන් වෙන්කළ නොහැකි සේ ජන අරගලය සමඟ බද්ධ වී ඇති බවත් නිරන්තරයෙන් පාලකයින්ට දැනෙන ආකාරයට ක්රියා කිරීම මේ මොහොතේ වැඩ කරන පන්තියේ නායකත්වයේ වගකීමයි. ඒ වෙනුවෙන් 2022 අප මැයි දින පෙළපාලිය ගෝටාගෝගම කරා පැමිණ එම අරගල භූමිය තුළ මැයි රැළීය පැවැත්වීමට අප පියවර ගත යුතුය. මෙය වැඩ කරන පන්තියේ නායකයන්ට පැහැර හැරිය නොහැකි වගකීමකි.
ක්ෂණිකව අඛණ්ඩ මහා වැඩ වර්ජනයක් කැඳවීමට අමතරව පහතින් ඇති කරුණු මෙවර වැඩ කරන ජනතාවගේ මැයිදින ඉල්ලීම් විය යුතු බවටද අපි යෝජනා කරමු.
• උද්ධච්ඡ, ජනතාද්රෝහී, බල තන්හාවෙන් පෙළෙන පාලනය ගෙදර යවමු !
• ජනතාවට ව්යසනයක් වූ ආර්ථික-දේශපාලන ක්රමය වෙනස් කරමු !!
• ජනතාව මත මුදාහැර ඇති මර්ධනය හා රජය විසින් කරන මානව හිමිකම් උල්ලංඝනයන් වහා නැවැත්වීම !
• අන්තර්වාර පාලන ප්රෝඩාවට ඉඩ නොදීම !
• IMF යනු විසඳුමක් නොව තොණ්ඩුව තවත් තද කිරීමක් නිසා IMF කොන්දේසි ප්රතික්ශේප කිරීම!
• බහුජාතික සමාගම් හා බහුජාතික බැකු වල ධනය පවරා ගනිමින් ජනතා අවශ්යතා සපුරාලීම!
• ජනතාව පෙළන භාණ්ඩ හිඟයට වහා පිළියම් යෙදීම !
• සෞඛ්ය, අධ්යාපනය හා ප්රවාහනය ජනතා පාලනය යටතට පැමිණවීම !
• උද්ධමනයට සමානුපාතිකව සේවක වැටුප් වැඩි කිරීමේ යන්ත්රණයක් සැකසීම !
• සුළු හා මධ්ය පරිමාණ ගොවි හා ධීවර ණය අහෝසි කිරීම !
• සියළු ආකාරයේ වංචා, දූෂණ හා අක්රමිකතාවන් නවතාලීමට පියවර ගැනීම හා වංචනිකයන් හා දූෂිතයන් ජනතා අධිකරණයක් ඉදිරියට පමුණුවා පැහැර ගත් වත්කම් යළිත් ජනතා අයිතියට ලබා ගැනීම !
• විරැකියාව නැති කෙරෙන, කාර්මික සංවර්ධනය සමඟ පරිසර හා දේශගුණික චිරස්ථායීභාවය සහතික කෙරෙන වැඩ පිළිවෙලක් සකස් කිරීම හා ක්රියාවට නැඟීම !
• වැඩපළ මට්ටමින් සේවක කමිටු, ගොවි හා ධීවර කමිටු හා ප්රාදේශීය මට්ටමින් ජනතා සභා ගොඩ නඟමින් ඒවායින් තේරී පත්වන නියෝජිතයන්ගෙන් සැදුම්ලත් ජනතා පාලනයක් ගොඩ නැඟීම !
ලංකාලෝක
කාක්කෙක්ගේ තටුවක්
එල්ලලා තියන්න ඕන
උල් කටුවක්
අජාසත් කුලේ නරයෙක්
බලාගෙන ඉන්නව
හූරන්න
ලේ ගලන තෙක්
උණු පපුවක්
රැකගන්න කියා හිතිලාද
නිධානයක්
බහිරවයෙක් අමුණන්නේ
මේ ඇමක්
බදාගෙන නටුවක පැටලුනු
කටුවක්
දුන්නාද හාද්දක්
කවදාවත්
රෝසමල් ඉඹපු සමනලයෙක්
කාක්කෙක්ගේ තටුවක්
එල්ලලා තියන්න ඕන
උල් කටුවක් !!!!!
සජිත් ප්රේමදාස ඇතුළු සමගි ජන බලවේගය සූදානම් වෙන්නේ බොරදියේ මාළු ටිකක් බා ගන්න. ජනතාව පාරට බැහැලා රාජපක්ෂලා එපා මේ පාලන ක්රමයම එපා කියද්දි සජිත් කල්පනා කරන්නේ තමන්ට ඒ අවස්ථාව සලසා දෙන්න රටේ ජනතාව අරගල කරනවා කියයි.
මිනිහා නුවර සිට කොළඹට පාගමනක් සූදානම් කරලා. දැන් ඒ ගමන එනවා. කිලෝමීටර් දෙකක් තුනක් පයින් යන්න බැරි එකා, ජනතාවට පයින් යන්න කියලා ඌ වහානවල නාග නාග යනවා . ප්රතිරූපය නංවා ගැනීමට එක එක නායකයෝ කටවුට් පෝස්ටර් පාක්ෂිකයන් අතට දීලා පා ගමනය ඇතුළෙත් තමන්ගේ ප්රති රූප නංවා ගන්න පාක්ෂිකයන්ව පාවිච්චි කරනවා .
ජනතාවගෙන් අහන්න තියෙන්නෙ මෙවැනි තක්කඩියන්ට රටේ පාලන බලය නැවත මාරු වෙනවා නම් මහන්සි වෙමින් අව්වැසි නොබලා රටේ ජනතාව කරන අරගලයේ ඵලය කුමක් ද කියයි…….
ජනතාව හමුවේ ඒ පැනය තබන අතරම සජිත් ප්රේමදාස ඇතුළු තක්කඩි දේශපාලුවන්ට කියන්නට තිබෙන්නේ උඹලට ගෙන ජනතාව යහතින් ඉන්නට ඉඩ නොතබන බවයි. රාජපක්ෂලා තඩියන් හොරුන් මිනීමරුවන් වන්නාසේම ප්රේමදාසලද හොරුන් තක්කඩියන් මිනීමරුවන්ය. නිල් වික්රමසිංහ මේ රට මේ අගාධයට හෙලන්නට දශක පහකට වැඩි කාලයක් විවිධ තනතුරු තානාන්තර දරමින් සිටි තවත් එක් තක්කඩියෙකි. හැත්තෑ වසරක් මේ රටේ දේශපාලනයේ හෙබවූ සියලු දෙනාම අද රට පත් වී තිබෙන ඉරණම කොටස්කරුවන්ය.
රාජපක්ෂලාව පන්නා දමන්න සේම උඹලා ඇතුළු තක්කඩියන් රැළම පන්නා දමා මේ රට තුළ නව පාලන ක්රමවේදයක් ඇති කිරීම රටේ වර්තමාන තරුණ පරපුරේ වුවමනාව බවද මතක තබාගත යුතුය.
මිනිසුනී කල්පනා කර බලපල්ලා උඹලා ඔය උස්සන් යන්නේ ඹලගෙ එදිනෙදා ජීවිතය මත පැටවී තිබෙන ප්රශ්න නොව නුඹලාගේ නායකයන් යැයි කියාගන්නා වුන්ගේ ප්රතිරූප වල බර බව. 
අව්වට වැස්සට හුරු මිනිසුන් හඳුනාගත හැක එක ඇස් බැල්මෙන් , නුඹලාගේ කරමත යන වුන් බලපල්ලා දිලිසෙන යුරු නුඹලා මැද දිස්නෙ දිදී
නුඹලා මත ඔය බර පටවන පර හැත්තට පිටුපා දැන් හරියල්ලා නුඹලා දිනවන අරගලය වෙත
‘ප්රජාතන්ත්රවාදය, පුරවැසියා, අරගලය හා රාජ්යය යන පද මේ මොහොතේ ඉතා පුළුල් ආකාරයෙන් ශ්රී ලාංකික සමාජය තුළ සාකච්ජා වෙමින් පවතින පසුබිමක, විරෝධාකල්පී දේශපාලනයේ නව මානයක් වශයෙන් ගෝඨාගෝගම හඳුන්වා දිය හැකිය. එහි අනුශාඛා ගණනාවක් දිවයින පුරා ආවරණය වෙමින් නිර්මාණය වේ. අරගලයට සහභාගී වෙමින් හා නිරීක්ෂණය කරන ලද අත්දැකීම් ඔස්සේ ගෝඨාගෝගම හුදෙක් ගම්මානයක් ලෙස නොව එය අවකාශීය වෙනස්වීමක් වශයෙන් මෙතැන් සිට හැදින්වීම වඩාත් සාධනීය බව ස්වයං අදහසයි. අගනගරයේ ඉතා ආරක්ෂිත, වාණිජමය වටිනාකමකින් යුත් කේන්ද්රස්ථානයක ධනවත් මෙන්ම පාලක පන්තිය පමණක් නියෝජනය වූ අවකාශය අද වන විට සමස්ත සමාජයම නියෝජනය කරනා පොදු අවකාශයක් (Public Space) බවට පත් වී අවසන්ය. රාජ්යයේ ප්රධාන පාලකයා නියෝජනය කරමින් කිසිවෙකුට අහේතුකව හැසිරීමට හෝ ගමන් කිරීමට නොහැකි වූ ප්රදේශයක් ජනතාව තමා සතු කර ගැනීමට සමත් විය. එබැවින් මෙය හුදෙක් ගම්මානයක් ලෙස පමණක් සීමිත, පටු රාමුවකට ව්යුහගත කිරීම ප්රමාණවත් නොවන බව පැහැදිලිය.
විරෝධාකල්පී දේශපාලනය තුළ තම විරෝධය ප්රකාශ කිරීමට න්යායාත්මකව භාවිතා කළ යුතු යැයි සම්මුතිකව ගොඩ නගා ගත් ක්රමෝපායන් නොමැත. විරෝධයක හෝ අරගලයක හැඩය සම්පූර්ණයෙන්ම තීරණය වන්නේ එයට සහභාගීවන්නන් එයට අනුගත වන ආකාරය හා උපයුක්ත කර ගන්නා ක්රමෝපායන් මතය. එය සැබවින්ම නිව්ටන්ගේ සෑම ක්රියාවකටම සමානවූත්, ප්රතිවිරුද්ධවූත් ක්රියාවක් පවතීය යන න්යායට සමානය. මෙම අරගලය පිළිබඳව සමාජයේ විවිධ කණ්ඩායම් තුළ විවිධ අදහස් හා ගැටලු ඉදිරිපත්ව තිබේ. පළමු ගැටලුව වන්නේ මෙම අරගල භූමීය කොතරම් දුරකට සාධනීය හා ප්රායෝගික ද? යන්නයි. ප්රජාතන්ත්රවාදී පරිධියක අදහස් ප්රකාශ කිරීමේ හැකියාව පුද්ගලයා සතුය. අදහස් ප්රකාශ කිරීමේ ස්වභාවය ද අනන්ය ආකාරයෙන් ක්රියාත්මක වේ. එබැවින් මෙය අරගලයක්, විරෝධයක්, චිත්රපටයක් පමණක් නොව සන්දර්ශනයක් වශයෙන් ද ක්රියාත්මක වීම විවේචනය කළ යුත්තක් නොවන්නේ අරගලයක හැඩය ඒකාකාරී ස්වරූපයකින් යුක්ත නොවන නිසාවෙනි.
‘පුරවැසියා’ යන සංකල්පයට වඩාත් වැඩි වටිනාකමක් ආරෝපණය වෙමින් පවතින අවස්ථාවක එය සැබෑ වශයෙන්ම පාලක පංතියට මුහුණ දෙන්නට සිදු වන අභියෝගයකි. නිෂ්ක්රීය පුරවැසියා යනු පාලකයාගේ ආශිර්වාදයයි. ඒ නිසාවෙන්ම මෙහි මතුවන අනෙක් ගැටලුව වන්නේ මෙයට සම්බන්ධවන පාර්ශව නියෝජනය කරන කුලකය හා ඔවුන් අනුගමනය කරන උපක්රම දේශපාලනික හෝ පවත්නා අර්බුදය සමග සමපාත වන්නේ ද? යන්නයි. සාමාන්ය පුද්ගලයෙකු ලෙස ගෝඨාගෝගම අවකාශය තුළින් ලබාගත් නිරීක්ෂණ හා අත්දැකීම් තුළින් පැහැදිලි වන කරුණු කිහිපයකි. පළමුවැන්න, මෙම අවකාශය කුඩා දරුවාගේ සිට වයෝවෘද්ධ තැනැත්තා දක්වා සියලු සමාජ කොටස් නියෝජනය වීමයි. දෙවැන්න වන්නේ එම නියෝජනයේ පවත්නා විවිධත්වයයි. එනම්, ඉතා දිළිඳුභාවයෙන් පෙළෙන පුද්ගලයා මෙන්ම ධනවත්, ප්රභූ හා ජනප්රිය යැයි සැලකෙන සියලු පාර්ශව නියෝජනය වීමයි.
තෙවැන්න, එකී විවිධත්වය තුළින් මතුවන අවකාශීය හැඩයයි. නොමැතිනම් දිනෙන් දින විරෝධතාවයේ වෙනස්වන හා අලුත්වන හැඩයයි. එක් පංතියක් තමන්ගේ කුසගින්න නිවා ගැනීමට එසේත් නැතහොත් තම ජීවිකාව සරිකර ගැනීමට මෙම අවකාශය යොදා ගන්නා අතර තවත් පංතියක් තම විරෝධතාවය තදබල ලෙස ප්රකාශ කිරීමට උත්සාහ ගැනීමත්, අනෙක් පංතිය අවකාශයේ නඩත්තුවට අවශ්ය අනුග්රහය ලබා දෙමින් තම විරෝධතාවය ප්රකාශ කිරීමයි. එය මෑත කාලීන ශ්රී ලංකාවේ පංති සමාජය තුළ මතු වූ ඉතා සාධනීය ප්රවණතාවයකි. මන්දයත් ශ්රී ලංකාවේ සුපිරි වරප්රසාදලාභී පංතිය මේ වන විට සාමාන්ය ජනයාගේ පීඩනය, වේදනාව වෙනුවෙන් පෙනී සිටීමට පටන් ගෙන තිබේ. ඔවුන් අනෙකුත් සමාජ පංති සමග ද මුහු වෙමින් සිටී. එය කිසිවිටකත් ශ්රී ලාංකික පංති සමාජය තුළින් අපේක්ෂා නොකළ ප්රවණතාවයකි. ගෝඨාගෝගම අවකාශය සමස්ත දේශපාලන පද්ධතියම සාධනීය ලෙස වෙනස් කරන්නට උත්සාහ දැරීම හුදෙක් බලයේ සිටින ආණ්ඩුවට පමණක් නොව සමස්ත දේශපාලන පක්ෂ හා තනි තනි පුද්ගලයන්ට ද එල්ල වන බලවත් අභියෝගයක් වන්නේ එනිසාවෙනි. එය වඩාත් සරලව පවසන්නේනම් ගෝඨාගෝගම අවකාශය නිර්පාක්ෂික පමණක් නොව නිර්පාංතික සමාජයක් ද ගොඩ නගමින් සිටින බව පැහැදිලිය.
ජාතික කොඩි අලෙවි කරන වෙළෙන්දාත්, තම දරුවන් නිදිකරමින් සිටින මවත්, ඉතා ප්රණීත හා කිසිදිනක අත්විඳින්නට නොලැබෙන ආහාර ගන්නා වයෝවෘද්ධ යාචකයාත්, අවතැන්වූවන් වෙනුවෙන් සාධාරණය බලාපොරොත්තුවන මව පමණක් නොව ඉතා සුඛෝපභෝගී ජීවිතයක් ගත කරමින් විනෝදකාමීව රාත්රීයේ එයට එක්වන පුද්ගලයන් යන සියලු සමාජ කොට්ඨාස ඒකරාශීවීම තුළ ප්රභල දේශපාලන ඇඟවීමක් ප්රතිනිර්මාණය කෙරේ. තවදුරටත් ශ්රී ලාංකික දේශපාලන පද්ධතිය යනු, කිසිවෙකුට වෙන්දේසි කිරීමට නොහැකි අයුරින් ගොඩ නැගෙමින් පවතින්නකි. 1956 සිටම ආගම, ජාතිය, භාෂාව පමණක් නොව දරිද්රතාවය ද වෙන්දේසි කළ යුගය නිමාකරන්නට ප්රභල උත්සාහය දරනා අවකාශය ගෝඨාගෝගම බව පැහැදිලිය. ගෝඨාගෝගම අවකාශය තුළින් මුණ ගැසෙන ජාතික ප්රතිපත්ති වැඩසටහන් පවත්වන ස්ථානයත්, මනෝඋපදේශන සේවා ස්ථාන, එළිමහන් රංග පීඨ, මහජන පුස්තකාලය පමණක් නොව මහජන සරසවිය යන ප්රභල සංකේතාත්මක දේශපාලන ඇඟවුම් හරහා එම ක්රියාවලිය වඩාත් සාධනීය කරන්නට සමත් වේ.
මෙහි පවත්නා අනෙක් සුවිශේෂී ඇඟවීම වන්නේ එක් එක් පුද්ගලයාට තම තමාට අවශ්ය දේ තෝරා ගැනීමට පවත්නා හැකියාවයි. එනම් මහජන සරසවියට සහභාගී වීම ඔබට අවශ්ය නොවන්නේනම්, රංගපීඨය හා සම්බන්ධ වීමට හැකිය. එය වනාහි මෙතෙක් දේශපාලන ක්රමය නඩත්තු කළ දේශපාලන අලෙවිකරණයට(Political Marketing) ඇති කළ ප්රභල අභියෝගයකි. රාජ්ය මාධ්ය මෙන්ම පුද්ගලික මාධ්ය විසින් මෙහෙය වූ දේශපාලන අලෙවිකරණයට තමා සතු කර ගැනීමට ජනතාව සමත් වී තිබේ. මෙතෙක් කලක් ඔබගේ දේශපාලන අදහස් සියල්ල අලෙවිකරණය කළේ බාහිර පාර්ශවයන්ය. නමුත් දැන් අප සියල්ලන්ටම තම දේශපාලන අලෙවිකරණ උපාය මාර්ග කැමති පරිදි අලෙවි කළ හැකිය. නූතන සමාජයට, තාරුණ්යයට අවශ්යවන්නේ ද එයයි. පවත්නා දේශපාලන ක්රමය එය නැවත හරවන්නට උත්සාහ දරමින් සිටින්නේ ද මෙම තත්ත්වය කිසි විටකත් බලාපොරොත්තු නොවූ තත්ත්වයක් නිසාවෙනි.
ගෝඨාගෝගම අවකාශය ඉතා සරල අයුරින් බැහැර කළ නොහැකි අවකාශයක් වන්නේ මෙනිසාවෙනි. තවදුරටත් යල් පැන ගිය දේශපාලන ප්රතිපත්ති හා ඇඟවීම් පිළිගන්නට සමස්ත තාරුණ්යය පමණක් නොව සියලු පුරවැසියන් ද සූදානම් නොමැති බව පැහැදිලිය. දැන්ිපුරවැසි සමාජය’ පිළිබඳව නව මානයන් ගොඩ නැගෙමින් තිබේ. එනිසාවෙන්ම පුරවැසියා යැයි අපි අපිටම ආමන්ත්රණය කළ හැකි අවස්ථාව ගොඩ නැංවීමේ ආරම්භකයා වනාහි ගෝඨාගෝගම අවකාශයයි. සමස්ථ ශ්රී ලාංකික සමාජයටම අවශ්ය වන්නා වූ, මෙතෙක් කලක් බලාපොරොත්තුවෙන් පසූ වූ සාධනීය ප්රතිපත්ති ගොඩ නගා ගැනීමට හැකි අවකාශය ගෝඨාගෝගම අරගලය තුළින් මතුව තිබේ. ඉදින් අරගලයේ හැඩය තීරණය කරන්නට ඉක්මන් නොවිය යුතු වන්නේ නව තාරුණ්යය විසින් අවකාශීය වෙනස්වීමක් ගොඩ නගමින් සිටින නිසාවෙනි. එබැවින් අරගලයේ හැඩය තීරණය කරන්නට උත්සුක නොවී පවත්නා අර්බුදයට වඩාත් සාධනීය විසඳුම් සෙවීමට සමස්ත ශ්රී ලාංකික සමාජය විසින් උත්සාහ දැරිය යුතුය.
සහාය කථීකාචාර්ය
දේශපාලන විද්යා හා රාජ්ය ප්රතිපත්ති අධ්යයනාංශය
කොළඹ විශ්වවිද්යාලය
අන්තර් විශ්ව විශ්ව විද්යාලයේ ශිෂ්ය බල මණ්ඩලයේ බලේ අත්පත් අත්පත් කර ගැනීමට ජනතා විමුක්ති පෙරමුණ උත්සහා කරණු ලබන්නේ ජනතා විමුක්ති පෙරමුණ සහ පෙරටුගාමී සමාජවාදී පක්ෂය ලෙස බෙදී වෙන් වූ දා සිටය.. එහෙත් ඔවුන්ට එය තවමත් හැකියාව ලැබී නැත… ජනතා විමුක්ති පෙරමුණේ නිර්මාණය කළ දේශපාලනය සංස්කෘතිය පිළිබඳව අපට ඉතාමත් හොඳ අදහසක් ඇත.. ඒ උපන්ගෙයිම තමන්ගේ කල්ලියේ නොවේ නම් ඊට පහර දෙන මම තමන්ගේ යටතේ තිබිය යුතු යැයි විශ්වාස කරනු ලබන නායකත්වයෙන් යුතු කණ්ඩායමකි..
ඒ මඟ යමින් ඊයේද ජනතා විමුක්ති පෙරමුණ විශ්ව විද්යාලයේ මහා ශිෂ්ය සංගම් බෙදා වෙන් කොට අන්තර් විශ්ව විශ්ව විද්යාලයේ ශිෂ්ය බල මණ්ඩලයේ පා ගමන කඩාකප්පල් කිරීමට ගත් උත්සාහයන් කිහිපයක් පිළිබඳව සමාජය තුල කතිකාවතක් නිර්මාණය වී තිබේ.
ඒ අනුව පේරාදෙණිය වැනි විශ්වවිද්යාලවල ජනතා විමුක්ති පෙරමුණ හිතවත් මහා ශිෂ්ය සංගම්වල සාමාජිකයන් නැවතීමට ඔවුන් නිල නිවේදන නිකුත් කොට තිබිණි.. එහෙත් ජනතා විමුක්ති පෙරමුණට හෝ එහි නායකත්වය දරන ශිෂ්ය කණ්ඩායම් වලට එය සිදුකර ගැනීමට හැකියාව ලැබුණේ නැත.. බොහෝ විශ්ව විද්යාලවල ජනතා විමුක්ති පෙරමුණට හිතවත් සහෝදරයන් මෙම පා ගමනට සහභාගී නොවිය යුතු බව දැන්වුවද විශ්වවිද්යාල ශිෂ්යයන් සහ ශිෂ්යාවන් එකී තීන්දු වලට අවනත නොවෙමින් අන්තර් විශ්ව විශ්ව විද්යාලයේ තීන්දු වලට අනුගත වෙමින් ඊයෙ පාගමනට පැමිණි බව වාර්ථා වේ…
ජනතා විමුක්ති පෙරමුණේ මේ අශිෂ්ඨ දේශපාලන භාවිතාව පිළිබඳව වසර ගණනක් ප්රායෝගික දේශපාලනික ක්රියාමාර්ග හරහා දන්නා අපි ජනතා විමුක්ති පෙරමුණට මේ මොහොතේ ඒ මෙලෙස මතක් කර සිටින්නෙමු…
ආනන්ද සර්පයා දුටුවාද..
දුටුවේය ස්වාමීණී..
මුගුරක් අරන් තැළුවද… ඌටමය සිත…
ආනන්ද තැලීමද ඇලීමේ විදිහක් ය.. නොතලන්න.. හැරයන්න…
සමාජවාදී කලා සංගමයේ දේශපාලනය කල ජවිපෙ පෙසපෙ වෙන් වීමේදී ඉවත් වූ කවියෙකු වන මහේෂ් කුමාර කවියාගෙ මේ කවිය උදෘතය කර ගණිමින් අපි ජනතා විමුක්ති පෙරමුණේ
නායකයන්ට මෙසේ කියමු..
දැන්වත් ඔය දෙබඩි කුහක වමේ දේශපාලනයට තිත තබන්න..
ඔබේ දේශපාලනය පිළිබඳව අපට කුමන අදහසක් ඇති මුත් ඔබ දේශපාලන ව්යාපාරය විශ්වාස කරනු ලබන මේ සමාජ ක්රමය වෙනස් විය යුතු යැයි විශ්වාස කරන තරුණ තරුණියන් බොහෝ ප්රමාණයක් ඔබ සතුව ඇත.. ඒ සහෝදරයන් ගේ සහෝදරියන් ගේ ක්රමය වෙනස් කිරීමේ දේශපාලනයට ඔබ කරනු ලබන්නේ බරපතළ හානියකි.. අඩුම තරමේ මේ මොහොතේ ක්රමය වෙනස් කිරීමේ දේශපාලනයට බාධා ඇති කල මුත් ඔබව දේශපාලන ව්යාපාරය විශ්වාස කරනු ලබන සහෝදරයන් ගේ සහෝදරියන්ගේ දේශපාලනයට ක්රමය වෙනස් කිරීමේ දේශපාලනය එපා කරවන ජවිපෙ උපන්ගෙයිම හටගත් කුහක නරුම දේශපාලනය මේ මොහොතේ වත් නවතන මෙන් අපි
ආදරයෙන් ඉල්ලා සිටිමු..
අද දවසේ එකක්ව තිබිය යුතු දේශපාලන ව්යාපාරය
දෙකක් තුනක් බවට පත්වූයේ ඔබේ ඔය කුහක දෙබඩි දේශපාලනය නිසා බව අපි තවමත් විශ්වාස කරන්නෙමු..
ආදරණීය සහෝදරවරුනි දැන්වත් නිවැරදි මාවතට එන්න..
එළඹෙන 28 වන දා රට පුරා හර්තාල් ව්යාපාරයක් ආරම්භ කිරීමට සිවිල් සංවිධාන ,දේශපාලන පක්ෂ, වෘත්තීය සමිති ඇතුළු ශිෂ්ය ව්යාපාර කටයුතු කරමින් සිටීයි . ගෝල්පේස් (ගෝඨාගෝගම) පවතින ආණ්ඩු විරෝධී අරගලයට සහාය පළ කරමින් රටපුරා පවතින විරෝධතාවයන් දිනෙන් දින වැඩිවෙමින් ආණ්ඩුවට එල්ල කරන බලපෑම තීව්ර කරමින් පවතී. පවතින අර්බුද සමනය කිරීමට ආණ්ඩුවට කිසිදු වැඩපිළිවෙලක් නැති අතර පාර්ලිමේන්තුව තුළ වෙනස්වීම් සිදු කරමින් ආණ්ඩු වෙනසක් කිරීමට පාර්ලිමේන්තුව නියෝජනය කරන සියලු පක්ෂ කටයුතු කරමින් සිටින අතර එයට ජනතාවගෙන් එල්ල වන්නේ දැඩි විරෝධයකි.
අප්රේල් 24 වෙනිදා අන්තර් විශ්ව විද්යාල ශිෂ්ය බල මණ්ඩලය කැඳවා තිබුණු උද්ඝෝෂණ පාගමනට ආණ්ඩුව බාධා එල්ල කරමින් ඒ කඩාකප්පල් කරන්නට උත්සාහ දැරුවද උත්සාහය සාර්ථක නොවූ අතර අන්තරේ උද්ඝෝෂණ ක්රියාවලිය සාර්ථක වී ජනතා ප්රසාදය අත්පත් කර ගැනීමට ඔවුන්ට හැකි විය. එපමණක්ද නොව රගලයේ ජයග්රහනය වෙනුවෙන් අන්තරය කැපවීම පිළිබඳව අද රටේ සෑම පුරවැසියෙක්ම ප්රසාදය පළකරමින් සිටීමද විශේෂත්වයකි.
අණ්ඩුවට එරෙහි මෙම උද්ඝෝෂණ ව්යාපාරය අඩපන කිරීමට අධිකරණයේ පිහිට මෙන්ම පොලීසිය හමුදාව යොදා මර්දනය කිරීමේ උත්සාහයන් ද ආණ්ඩුව ගත් අතර ඒවා එකක්වත් සාර්ථක කර ගැනීමට නොහැකි වුණේ ජනතාව අවදිව, විමසිලිමත්ව සිටීමේ ප්රතිඵලයක් ලෙසයි. එළඹෙන 28 වනදා විරෝධතා ක්රියාවලිය ආණ්ඩුවට බරපතළ හානි සිදු කරාවි යන පූර්ව නිගමනයට පැමිණ සිටින ආණ්ඩුව 28 වන දා මර්දනය කැඳවීමට තීරණය කර ඇති බව විශ්වාස කටයුතු ආරංචි මාර්ගවලින් තහවුරු කර තිබේ.
ඒ අනුව 28 වන දාට හිරු උදා වන්නට ප්රථම ගෝල්පේස් (ගෝඨාගෝගම) රෝධතා කරුවන් විසිර යන අවස්ථාව ඉලක්ක කර ගනිමින් ඊට දැවැන්ත මර්දන ප්රහාරයක් එල්ල කිරීමට ආණ්ඩුව සැලසුම් සකසා තිබෙන බව විශ්වාස කටයුතු ආරංචි මාර්ග හෙළිදරව් කරනවා . අරගලයට මර්දනය දියත් කරන මෙහෙයුම් මධ්යස්ථානය ලෙස චැතැම් වීදියේ කදවුරක් සූදානම් කර තිබෙන අතර එහි බස්රථ 25 කට ආසන්න ප්රමාණයක් ස්ථානගත කර තිබෙන බවත් පී.එස්. ඩි භටයන් 2500ක් පමණ ඊට අනුබද්ධ කර මේ මෙහෙයුම සඳහා සූදානම් කරමින් සිටියි . එපමණක් ද නොව බැටන් පොලු පන් දහසකට ආසන්න ප්රමාණයක් සහ ටී 56 ගිනි අවි සහ උණ්ඩ මෙම මෙහෙයුම සඳහා පාවිච්චි කිරීමට එතැනට ගෙනවිත් ඇති බවද දැනගන්නට තිබේ.
උද්ඝෝෂකයන් විසින් ජනාධිපති කාර්යාලය වටලා මේ වන විට දවස් 18 ඉක්ම ගොස් තිබෙන අතර ආණ්ඩුව බලාපොරොත්තු වූ ආකාරයට කාලය ඉක්ම යන විට එහි උණුසුම පහව යයි කියන නිගමනය බොරුවක් කරමින් දිනෙන් දින රටේ ජනතාවගේ විරෝධය තීව්ර වෙමින් උත්සන්න වෙමින් ආණ්ඩුවට එරෙහිවීම බුරා නැගෙමින් පවතී.
අගලය මර්දනයෙන් කුඩුපට්ටම් කර නැවතත් ආණ්ඩුව යථා තත්ත්වයට පත්කර ගැනීම රාජපක්ෂලා ඇතුළු පාලකයින්ගේ උවමනාව බවට පත්වී තිබෙන අතරම එම උගුලට හසු නොවී අරගලය ජයග්රහණය කරා ගෙන යෑම අරගලය මෙහෙවන නිර්පාක්ෂික සියලු ක්රියාදරයන්ගේ වගකීම බවට පත්කරගත යුතුයි.
මර්දනයට ඔවුන් සූදානමින් සිටින අතර ඊට ඉඩ සලසා නොදීම අප කාගේත් වගකීමයි. රටේ සෑම පුරවැසියෙකුම මේ මොහොතේ පාරට පැමිණ අරගලය ආරක්ෂා කරනවා වගේම අරගලයට දායකත්වය දෙන සියලු ජීවිත තමන්ගේ ආරක්ෂාව යටතට ගැනීම පුරවැසි වගකීම ලෙස බාරගත යුතුයි.
විශේෂ ලියුම් කරුවෙකි
කැනඩාවේ ටොරොන්ටෝ නගරයේ අද ශ්රී ලාංකිකයන්ගේ එකමුතුව විසින් උද්ඝෝෂණයක් පවත්වනු ලැබුවා. මෙම උද්ඝෝෂණය අවසානයේ දී කැනඩාවේ අග්රාමාත්යවරයාට සහ එරට විපක්ෂ නායකවරයාට ලංකාවේ තත්ත්වය පිළිබඳ සඳහන් සංදේශයක් භාර දීම විශේෂත්වයකි .
අද අන්තර් විශ්ව විද්යාල ශිෂ්ය බල මණ්ඩලය කැඳවා තිබුණු උද්ඝෝෂණය කඩාකප්පල් කිරීම සඳහා ආණ්ඩුව තමන්ට හැකි උපරිමයෙන් කටයුතු කර තිබුණි. උද්ඝෝෂණය වැළැක්වීම සඳහා උසාවි නියෝගය මෙන්ම ක්ෂනික මාර්ග බාධක වෙනුවට ස්තිර මාර්ග බාධක රාත්රියේදී තනා තිබීම ද සමහර තැන් වල ඉතා කෲර ලෙස මාර්ග බාධක වලට කම්බි සවි කිරීම මගින් උද්ඝෝෂණය වැළැක්වීමට ආණ්ඩුව උත්සාහ කර තිබුණි. මෙම බාධක නොතකා අන්තර් විශ්ව විද්යාල ශිෂ්ය බල මණ්ඩලය කැඳවා තිබුණු ආකාරයටම උද්ඝෝෂණය පැවැත් වූ අතර අග්රාමාත්යවරයාගේ නිවස ඉදිරිපිටට යෑම සහ එතනට ගොස් බලපෑම් සහගත වැටලීමක් කිරීම විශේෂත්වයක් වෙනවා. ඉන් අනතුරුව ගෝල්ෆේස් උද්ඝෝෂණ භූමිය වෙත යන මග අවහිර කිරීම සඳහා පොලිසිය යොදා තිබුණු මාර්ග බාධක මගහරිමින් ඔවුන් ගාලුපාර දිගේ උද්ඝෝෂණ භූමිය වෙත පැමිණීම ආණ්ඩුවේ පරාජය සනිටුහන් කරනු ලැබීය.
උද්ගතව ඇති තත්වය හමුවේ ගෝඨාභය රාජපක්ෂ මහින්ද රාජපක්ෂ ඇතුළු කණ්ඩායම බියටත් තැතිගැන්මටත් පත්වී ඇති බව අභ්යන්තර ආරංචි මාර්ග සනාථ කරන අතරම මේ වන විට හදිසියේම මහින්ද රාජපක්ෂ විසින් ගෝඨාභය හමුවීමට ගොස් ඇති බවද දැනගන්නට තිබේ . මේ හමුවේ දී මහින්ද රාජපක්ෂ ඉල්ලා අස්වී පාර්ලිමේන්තුව ඇතුලෙන් මුහුණු මාරු කර රනිල් වික්රමසිංහ අගමැති වෙන ආකාරයේ ආණ්ඩුවක් පිහිටුවා රාජපක්ෂලාට විය හැකි හානිය වලකා ගැනීමේ කුමන්ත්රණයක් දියත් වෙන බවද දැනගන්නට තිබේ.
රට තුළ උද්ගතව ඇති තත්වය හමුවේ ගෝඨාභය රාජපක්ෂ ජනාධිපති ධූරයෙන් ඉල්ලා අස් වීමක් සිදු වුවහොත් හෝ ව්යවස්ථානුකූල ක්රමයකට ඉවත් කළහොත් ඔවුන්ගේ ආරක්ෂාව වෙනුවෙන් මේ වන විටත් රනිල් පෙනී සිටින බව විශ්වාස කටයුතු ආරංචි මාර්ග සනාථ කරනවා. ඒ වෙනුවෙන් රනිල් වෙත පිරිනැමන දොළ පිදේනිය වන්නේ මහින්ද රාජපක්ෂ ඉල්ලා අස්වීමෙන් නිර්මාණය වෙන ආණ්ඩුව තුළ අගමැති දූරය ඔහුට හිමි වීමයි. ෂය වන ව්යවස්ථා සංශෝධනය හරහා ද සිදු කිරීමට නියමිතව තිබෙන්නේ යහපාලන ආණ්ඩුව තුල අගමැතිවරයාට බලය ලබා ගැනීම සඳහා දියත් කළ කුමන්ත්රණයේ යම් මූලික පියවරක් ගැනීමයි. ගෝඨාභය කටු කැපීමක් ලෙස පෙනුනද ඊළඟට බලයට පත්වෙන කෙනාට ය මාරු කිරීමට අවශ්ය කරන ව්යවස්ථාමය වටපිටාව නිර්මාණය කිරීමක් බවද සඳහන් වේ.
ගෝඨාභය රාජපක්ෂ ප්රමුඛ ජන පීඩක ආණ්ඩුව පන්නා දැමීමේ ජන සටනට සහය පල කරමින් වෘත්තීය සමිති සහ බහුජන සංවිධාන එක්ව ඊයේ දීප ව්යාප්ත කළු විරෝධතා දිනයක් නම් කොට තිබුණි. එයට සමගාමීව හැටන් නගරයේ රාජ්ය ආයතන, අර්ධ රාජ්ය ආයතන, සහ අවිධිමත් අංශයේ වැඩ කරන ජනතාව නියෝජනය කරන වෘත්තීය සමිති බහු ජන සංවිධාන එක්ව සංවිධානය කරන ලද විරෝධතාවක් ඊයේ (20) හැටන් නගරයේ දී පැවැත්විණි.
කළු ඇඳුමින් සැරසුණු විරෝධතාකරුවෝ සටන් පාඨ කියමින්, විරෝධතා පුවරු ප්රදර්ශනය කරමින් පා ගමනින් හැටන් මල්ලිඅප්පුව හන්දියේ සිට හැටන් ඔරලෝසු කණුව අසළට පා ගමනින් පැමිණ විරෝධතාවෙහි නිරත වූ අතර ජනාධිපතිවරයා ප්රමුඛ ආණ්ඩුව ජනතාවගේ හඬට කන් දී වහා ගෙදර යා යුතු බවත්, ජීවන වියදම අඩු කරන ලෙසත්, සියලු ම කම්කරුවන්ගේ වැටුප් වැඩි කිරීමට වහා කටයුතු කරන ලෙසත් ඔවුහු ආණ්ඩුවට බල කර සිටියහ.
මෙම විරෝධතාව සඳහා ලංකා වතු සේවා සංගමය, ලංකා ගුරු සංගමය, ලංකා බැංකු සේවක සංගමය, තැපල් හා ටෙලිකොම් වෘත්තීය සමිති, ප්රොටෙක්ට් සංගමයේ හැටන් ශාඛාවේ සාමාජිකයෝ සහභාගී වූහ.
-ප්රොටෙක්ට් සංගමය-
