රජයේ ණය පොලි ගෙවීම 2006 වර්ෂයේ දී රුපියල් බිලියන 151ක් වු අතර 2025 වර්ෂය වන ව්ට එය රුපියල් බිලියන 2,501 දක්වා සියයට 1556කින් වැඩිවී ඇති බැව් මුදල් අමාත්‍යංශය විසින් 2025 වර්ෂයට අදාළව නිකුත්කොට ඇති වාර්ෂික වාර්තාවට ඇතුළත්කොට ඇති විගණන වාර්තාවේ සදහන් වේ.

2025 වර්ෂයේ දී රුපියල් බිලියන 2501 ණය පොලි ගෙවා තිබු අතර එය රජයේ මුළු පුනරාවර්තන විදයමෙන් සියයට 47.52 ක් බවද විගණනය මගින් අනාවරණය කොට ඇත. 2024 වර්ෂයේ දි ණය පොලි ගෙව්ම සදහා රුපියල් බිලියන 2,689ක මුදලක් වැයකොට තිබු අතර එය පුනරාවර්තන වේදයමෙන් සියයට 50කි.

2024 වර්ෂය සමග සැසදීමේ දි 2025 වර්ෂයේ ණය පොලි ගෙවිම රුපියල් බිලියන 188කින් අඩු වේ තිබුණි. 2025 වර්ෂයේ අයවැය කාර්යසාධනය සහ හිගය මුල්‍යනය කිරීමේ ප්‍රකාශය අනුව රැස් කරණු ලැබු රුපියල් බිලියන 5,480 ක් වු රජයේ ආදායමෙන් රුපියල් බිලියන 2501 ක් හෙවත් සියයට 45.64 ක් ණය පොලි ගෙවීමට සිදුවි ඇති බවද විගණන වාර්තාවේ තවදුරටත් සදහන් වේ.

මෙම වාර්තා මගින් පැහැදිලි වන්නේ අපේ රට ලැබෙන ආදායමෙන් වැඩිම පංගුවක් වෙන් කරන්නේ ණය ගෙවීම සඳහා බවයි. ඒ අනුව ජනතාව වෙනුවෙන් වූ සියලු සුබසාධන කටයුතු සඳහා වෙන් වන්නේ ඉතිරියයි. එසේම එය වසරෙන් වසර වැඩිවීමක් මිස අඩුවීමක් සිදුවී නැත. මෙවැනි තත්ත්වයක් තුළ අප රටක් ලෙස ලැබිය හැකි ආර්ථික දියුණුව කුමක්ද යන පැනය ඇතිවේ.