ගල් අඟුරු ආශ්රිත විදුලිබල උත්පාදනය ආරම්භයේ සිට 2026 අප්රේල් 16 දක්වා ශ්රී ලංකාවේ ගල් අඟුරු ආනයනය සහ විදුලිබල උත්පාදනයට අදාළව සිදු වූ බව කියන අක්රමිකතා සහ නීති විරෝධී ක්රියාකාරකම් විමර්ශනය කිරීම සඳහා ජනාධිපති අනුර කුමාර දිසානායක විසින් පූර්ණ බලැති ජනාධිපති විමර්ශන කොමිසමක් පත් කරතිබේ.
සංශෝධිත පරිදි, 1978 අංක 07 දරන විශේෂ ජනාධිපති විමර්ශන කොමිෂන් සභා පනතේ 2 වන වගන්තිය යටතේ කොමිසම ස්ථාපිත කර ඇත.
ත්රිපුද්ගල කොමිසමේ ප්රධානියා ලෙස ශ්රේෂ්ඨාධිකරණ විනිසුරු ගිහාන් කුලතුංග විසින් දරනු ලැබේ. අභියාචනාධිකරණ විනිසුරු ආදිත්ය පටබැඳිගේ සහ මහාධිකරණ විනිසුරු සංජීව සෝමරත්න යන අය සාමාජිකයින් ලෙස පත් කර ඇත. හිටපු රාජ්ය අමාත්යාංශ ලේකම් පී.වී. බන්දුලසේන කොමිසමේ ලේකම්වරයා ලෙස කටයුතු කරනු ඇත.
ගල් අඟුරු ආනයන ප්රසම්පාදනයේදී අක්රමිකතා සිදුවී ඇත්දැයි විමර්ශනය කරනු ලබන අතර, රජයට සිදුවිය හැකි මූල්යමය පාඩු, ප්රමිතියෙන් තොර ගල් අඟුරු ආනයනය සහ විදුලිබල උත්පාදනයේ ගුණාත්මකභාවය පරීක්ෂා කිරීම, සැපයීම, මෙහෙයුම් ක්රියාවලීන් සහ භාවිතය පිළිබඳ ගැටළු පිළිබඳ මෙහිදී විමර්ශනයට නියමිතයි.
අපේක්ෂිත විදුලි උත්පාදන ඉලක්ක සපුරා ඇත්ද, ගිවිසුම් කඩ කිරීම් සිදුවී තිබේද සහ ගෙවීම් අත්හිටුවීම් වැනි සුදුසු ප්රතිකර්ම ක්රියාමාර්ග ගෙන තිබේද යන්න ද එය තක්සේරු කරනු ඇත.
තවද, කොමිසම වගකිවයුතු දේශපාලන බලධාරීන්, ශ්රී ලංකා ගල් අඟුරු පුද්ගලික සමාගමේ නිලධාරීන් සහ ඊට සම්බන්ධ සැපයුම්කරුවන් හඳුනාගෙන නීතිමය හෝ පරිපාලන ක්රියාමාර්ග නිර්දේශ කරනු ඇත. ගල් අඟුරු ප්රසම්පාදන හා විදුලි උත්පාදන ක්රියාවලීන්හි අනාගත අක්රමිකතා වැළැක්වීම සඳහා පියවර ද යෝජනා කරනු ඇත.
වෙනත් අදාළ අක්රමිකතා පිළිබඳව වාර්තා කිරීමට සහ නිවැරදි කිරීමේ පියවර නිර්දේශ කිරීමට කොමිසමට බලය පවරා ඇත.
