දැනට ක්රියාකාරී මට්ටමේ නොමැති රාජ්ය ව්යවසායයන් 33ක් අදියර 02ක් යටතේ විධිමත් ලෙස වසා දැමීමට ජනාධිපති අනුර කුමාර දිසානායක ඉදිරිපත් කළ යෝජනාවට අමාත්ය මණ්ඩල අනුමැතිය ලැබී තිබේ.
ඒ අනුව මහජන සේවා සැපයීම සහ උපායමාර්ගික ආර්ථික ක්රියාකාරකම් ප්රවර්ධනය කිරීම වැනි අරමුණු සාක්ෂාත් කර ගැනීම සඳහා කලකට පෙර පිහිටුවන ලද ඇතැම් රාජ්ය ව්යවසායයන් ඒවා පිහිටු වීමේ අරමුණු වර්තමානය සමඟ නොගැළපීම සහ වෙළෙඳපොළ අවශ්යතා සමග නොගැළපීම යන හේතූන් මත තවදුරටත් පවත්වාගෙන යාම ප්රායෝගික නොවීම සහ ඌන මූල්ය කාර්යසාධනය ආදී හේතු නිසා අක්රිය තත්ත්වයට පත්ව ඇති බව ආණ්ඩුව පවසයි.
ජාතික ආර්ථිකයට හෝ රාජ්ය සේවා සැපයීමට අර්ථවත් දායකත්වයක් ලබා නොදෙන ව්යවස්ථාපිත ආයතන, රාජ්ය සංස්ථා හා රජය සතු සමාගම් වැනි විවිධ කාණ්ඩයන්ට අයත් රාජ්ය ව්යවසායයන් රජයට වැය බරක් වන පරිදි තවදුරටත් පවත්වාගෙන යාම වෙනුවට, එම ආයතන ඈවර කර වසා දැමීම යෝග්ය බවට හඳුනාගෙන ඇති අතර රාජ්ය ව්යවසායයයන් 33ක් අදියර 02ක් යටතේ විධිමත් වසා දැමීමට තීරණය කර ඇත.
ශ්රී ලංකාව විසින් අන්තර්ජාතික මූල්ය අරමුදලේ (IMF) සහාය ඉල්ලා සිටීමෙන් අනතුරුව, IMF වෙතින් මූලිකවම ඉදිරිපත් කෙරුණු නිර්දේශයන් අතර ප්රධාන කාරණයක් වූයේද පාඩු ලබන රාජ්ය ව්යවසායහි මූල්ය අවදානම අවම කර ගැනීමයි.
2022 සැප්තැම්බර් 05 වැනිදා රැස්වූ කැබිනට් මණ්ඩලය විසින් පාඩු ලබන රාජ්ය ආයතන ඉලක්ක කරගනිමින් ‘රාජ්ය ව්යවසාය ප්රතිව්යූහගතකරණ ඒකකයක්’ ද පිහිටවනු ලැබීය.
