හිටපු ජනාධිපතිවරුන්ගේ වරප්‍රසාද සහ පාර්ලිමේන්තු මන්ත්‍රීවරුන්ගේ විශ්‍රාම වැටුප අහෝසි කිරීමට අදාළ පනත් කෙටුම්පතක් සකස් කිරීමට අදාල යෝජනාවක් 2025 ජුනි 16 වනදා කැබිනට් මණ්ඩලය වෙත අධිකරණ සහ ජාතික ඒකාබද්ධතා අමාත්‍ය හර්ෂණ නානායක්කාර විසින් ඉදිරිපත් කරනු ලැබූ අතර එම යෝජනාවට කැබිනට් මණ්ඩලය අනුමැතිය ලැබී තියනවා .
එම යෝජනාවට අනුව 1986 අංක 4 දරන ජනාධිපතිවරයන්ගේ හිමිකම් පනත සහ 1977 අංක 1 දරන පාර්ලිමේන්තු විශ්‍රාම වැටුප් පනත පරිච්ඡින්න කිරීම සිදු කිරීමට නියමිතයි .
ඒ අනුව එම පනත් කෙටුම්පත සම්මත කර ගන්නා දා සිට ඉහත සඳහන් වරප්‍රසාද අහෝසි වී යන බව අද කැබිනට් තීන්දු තීරණ දැනුම් දීමේ මාධ්‍ය හමුවේදී කැබිනට් මාධ්‍ය ප්‍රකාශක නලින්ද ජයතිස්ස ප්‍රකාශ කර සිටියා .
හිදී දිගින් දිගටම මාධ්‍යවේදීන් එම ක්‍රියාවලිය පිළිබඳව ප්‍රශ්න කළ අතර ජනාධිපතිවරුන්ගේ විශ්‍රාම වැටුප අහෝසි කිරීමට නම් නව ව්‍යවස්ථාවක් ගෙන ආ යුතු බව මධ්‍යවේදීන්ගේ හරස් ප්‍රශ්න හමුවේ කැබිනට් මාධ්‍ය ප්‍රකාශකවරයා දැනුම් දී සිටියා .
