විශ්රාමික මේජර් ජනරාල් අශෝක තෝරදෙණිය සම්බන්ධ ප්රකාශ විද්යුත් ,මුද්රිත මාධ්යයට නිකුත් කිරීම, හා සමාජ මාධ්යය හරහා පළ කිරීම වළක්වමින් හිටපු පළාත් සභා මන්ත්රී හා පෙරටුගාමී සමාජවාදී පක්ෂයේ මධ්යම කාරක සභා සාමාජික හිටපු පළාත් සභා මන්ත්රී ඉන්ද්රානන්ද ද සිල්වාට කොන්දේසි සහිත වාරණ ආඥාවක් නිකුත් කර තිබේ.
ඒ කොළඹ අතිරේක මහේස්ත්රාත් මංජුල රත්නායක විසින් ඊයේ (16) මෙම නියෝගය නිකුත් කරනු ලැබිණි.
විශ්රාමික මේජර් ජනරාල් අශෝක තෝරදෙණිය විසින් 2024 අංක 9 දරණ මාර්ගගත ක්රමවල සුරක්ෂිතභාවය පිළිබඳ පනතේ 24 වන වගන්තිය යටතේ උතුරු මැද පළාත් සභාවේ හිටපු මන්ත්රී ඉන්ද්රානන්ද ද සිල්වා විත්තිකරු කරමින් පැවරූ පැමිණිල්ලක් සලකා බැලීමෙන් පසුව මෙම වාරණ ආඥාව ලබන 30 දින දක්වා බල පැවැත්වෙන පරිදි නියෝග කර ඇත.
පැමිණිල්ල වෙනුවෙන් හිටපු නීතිපති ජනාධිපති නිතීඥ සංජේ රාජරත්නම්, නීතීඥ සුදත් ජයසුන්දර අධිකරණය ඉදිරියේ කරුණු දක්වා ඇත.
හිටපු නීතිපති ජනාධිපති නිතීඥ සංජේ රාජරත්නම් කරුණු දක්වමින් පවසා ඇත්තේ විත්තිකරු විසින් පැමිණිලිකාර අශෝක තෝරදෙණිය සම්බන්ධයෙන් අසත්ය සහ ද්වේශ සහගත කරුණු මාධ්යයට ඉදිරිපත් කරමින් සිටින බවයි.
එම අසත්යය සහ ද්වේශ සහගත කරුණු සමාජ මාධ්ය ඔස්සේ ද උඩුගත කරමින් සිටින බව ඔවුන් ප්රකාශ කර ඇත.
අශෝක තෝරදෙණිය යනු ජනතා විමුක්ති පෙරමුණේ නායක විජේවීර ඝාතනය සම්බන්ධයෙන් චෝදනා එල්ලවන පුද්ගලයන් දෙදෙනාගෙන් එක් අයෙකි. ඒ සම්බන්ධ එකම ඇසින් දුටු සාක්ෂිකරුවා වන්නේ ඉන්ද්රානන්ද සිල්වායි. ඔහු ඒ සම්බන්ධව හෙළි කරමින් විවිධ මාධ්යන් හරහා පැමිණිලි කිහිපයක්ම ඉදිරිපත් කළ අතර ඊට අමතරව මෑතකදී අපරාධ පරීක්ෂණ දෙපාර්තමේන්තුවට පැමිණිලි කර තිබුණි. එම සාක්ෂි වසන් කිරීම සඳහා දැන් චෝදනාවලට ලක්වූවන් මර්දනකාරී මාර්ගගත සුරක්ෂිතභාවය පිළිබඳ පනත් කෙටුම්පත යොදාගෙන තිබේ. එය එක්තරා ආකාරයක සරදමකි. ජාතික ජන බලවේගයේ ප්රධාන පක්ෂය වන ජනතා විමුක්ති පෙරමුණේ හිටපු නායකයෙකුගේ ඝාතනය කිරීමේ චෝදනා එල්ල වූ පුද්ගලයන් බලයට පැමිණි පසු අහෝසි කරන බවට පොරොන්දු වූ නමුත් අහෝසි නොකරන ලද පනතක් යොදාගනිමින් සිටියි.
