පලෙයි පොලිස් බල ප්‍රදේශයට අයත් මුහමාලේ ප්‍රදේශයේ බිම්බෝම්බ ඉවත් කිරීමේ කටයුතුවල නිරත රාජ්‍ය නොවන සංවිධාන සේවකයින් පිරිසකට පොළවේ වළ දමා තිබූ මිනිස් ඇටසැකිලි කිහිපයක් හමුව තිබේ. ඒ ඇටසැකිලි සමඟ නිල ඇඳුමක් ද තිබී හමුවී ඇත.
පලෙයි පොලිසිය මේ සම්බන්ධ පරීක්ෂණ කටයුතු සිදුකරන බව වාර්තා වේ.
කිලිනොච්චිය මහේස්ත්‍රාත්වරයා එම ස්ථානයට ගොස් මහේස්ත්‍රාත් පරීක්ෂණයක් පවත්වා අදාළ ස්ථානයේ ඉදිරි කැණීම් සඳුදා(29) සිදුකරන ලෙස නියෝග කර ඇත.
මෑතකදී මුලතිවු – කොක්කුතෝඩුවායි ප්‍රදේශයෙන් ද සමූහ මිනිවලක් හමුවූ අතර එහි කටයුතු ප්‍රතිපාදන නොමැති නිසා ඇන හිට තිබේ. එම සමූහ මිනීවළේ ඇති මානව අස්ථි කොටස් ඇසුරෙන් කරන ලද මූලික විමර්ශනවලට අනුව එසේ වළ දමා තිබෙන්නේ වෙඩි තැබීමෙන් මිය ගිය දෙමළ ඊළම් විමුකති කොටි සංවිධානයේ සමාජිකයන්ගේ බැව්, අදාළ මිනීවළේ පරීක්ෂණ කටයුතු භාර වෝහාරික විශේෂඥයෙකු විසින් අධිකරණයට ඉදිරිපත් කළ අන්තර්කාලීන වාර්තාවක් මගින් හෙළිදරවු කර තිබුණි.
