වසර තුනකට පසුව නැවතත් සීනි බදු වංචාවක් වී ඇති බව පෙරටුගාමී සමාජවාදී පක්ෂය චෝදනා කරනවා. මාධ්‍ය වෙත අදහස් දක්වමින් පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ පවසා සිටියේ නොවැම්බර් 2 වන දා රනිල් රාජපක්ෂ ආණ්ඩුව ගැසට් නිවේදනයක් නිකුත් කරමින් සීනි සඳහා ගෙවිය යුතු බද්ද සත විසිපහේ සිට රුපියල් 49. 45ක් දක්වා ඉහළ දමමින් සීනි සඳහා ගෙවිය යුතු බද්ද රුපියල් පනහක් දක්වා ඉහළ දැමු බවයි . නමුත් මේ සීනි බද්ද වැඩි කිරීමට දිනකට පෙර පිරමිඩ් විල්මා සමාගම විසින් කිලෝ ලක්ෂ 5කට වැඩි සීනි තොගයක් නිදහස් කරගෙන තියෙනවා.
මෙසේ චෝදනා ලබන සමාගම රාජපක්ෂ සහෝදර ආණ්ඩුව පවතින කාලෙත් රු.50 ට තිබුණු සීනි බද්ධ සත 25 ට අඩු කරමින් විශාල ලාභයක් ලබා ගත් අතර එවර රාජපක්ෂලා සමග සීනි බදු වංචාවට හවුල් වූ පිරමිඩ් විල්මා සමාගම අද රනිල් සමග එකතුව සීනි බදු වංචාව කර තිබේ .
