(අප්‍රේල් සැමරුම වෙනුවෙන්)

එරබුදු මල් කිනිත්තක්
උඩ අප්‍රේල් කොවුලා
ගීයක් ගයයි

ඒ ගීය කැඩී ස්වර
ස්වරාලය රිදුම් දෙයි
ඌ ගයන්නේ ගීතයක් නොව
පරාජිත රචනයකි දුක්බර

වසන්තයක සිහිනය
වෙඩි තබා සුණු විසුණු විය
ඒ අතීතය යලි නගා ගොඩ
ඉතිහාස ගීතයක් නොම විය

අප්‍රේල් කොවුලා නිදන රැය
කන්ද උඩ උළමා නඟන වලප
ඇහැරවා නිදි නැතිව
මගේ හඬමැයි සිතන

එකතු කළ කොවුල් නාදය
දෙදෙනා අතර වාදය

හඬට හඬ මුණ ගැසී
කඳු යායා රැව් දී
වසන්තේ විලාපය
සියවසට ලං වී

ගීතයක් වූ රචනයක්
විලාපය වූ ගීයක්
කොවුලා ද උළමා ද
අලුයමේ හිරු උදාවක