වැරදි මිලදී ගැනීම් නිසා තෙල් සංස්ථාවට ඩොලර් මිලියන 90ක පාඩුවක්

නුසුදුසු බොරතෙල් තොග මිලදී ගැනීම සහ වැරදි මිලකරණ ක්‍රමවේදය යටතේ ඉන්ධන තොග මිලදී ගැනීම හේතුවෙන් ලංකා ඛනිජ තෙල් නීතිගත සංස්ථාවට ඉකුත් මාර්තු සිට සැප්තැම්බර් දක්වා මාස 6 කාලය තුළ ඇමෙරිකානු ඩොලර් මිලියන 90 ක මුදලක් අහිමි වී ඇතැයි රජයට ඉදිරිපත් කර ඇති නවතම විශ්ලේෂණ වාර්තාව පෙන්වා ඇතැයි ලංකාදීප වෙබ් අඩවිය වාර්තා කරයි.

ලංකා ඛනිජ තෙල් නීතිගත සංස්ථාවට අහිමි වූ ඇමෙරිකානු ඩොලර් මිලියන 90 ක මුදලින් ශ්‍රී ලංකාවට තවත් ඉන්ධන නෞකා දෙකක් මිලදී ගැනීමට හැකියාව තිබූ බව එම වාර්තාවේ දැක්වේ.

පසුගිය මාස 6 ක කාලයේදී ලංකා ඛනිජ තෙල් නීතිගත සංස්ථාව මිලදී ගත් බොරතෙල් සහ ඉන්ධන තොග පිළිබඳ මෙම විශ්ලේෂණය සිදු කර ඇත.

එහිදී රජයට සහ ලංකා ඛනිජ තෙල් නීතිගත සංස්ථාවට පාඩු කිරීම සම්බන්ධයෙන් එක් සමාගමක් සදාකාලිකවම අසාදු ලේඛන ගත කිරීමට එම වාර්තාව මගින් නිර්දේශ කර ඇත.

එම සමාගමේ නිල නොවන නියෝජිතයකුට රහසිගත රැස්වීමක් සඳහා ලංකා ඛනිජ තෙල් නීතිගත සංස්ථාව ආරාධනා කර ඇති බවත් වෙනත් කිසිදු සැපයුම්කරුවකුට එසේ ආරාධනා කර නොමැති බවත් එම වාර්තාවේ සඳහන් වේ.

අනෙකුත් සැපයුම්කරුවන්ගේ නෞකා ඉන්ධන නිදහස් කිරීමට වාරයෙන් පිටත රැඳී සිටියදී,මෙම විශේෂිත සමාගමේ නැව් පැමිණ ඇත්තේ අනෙක් සැපයුම්කරුවන්ට සම්පූර්ණයෙන් මුදල් ගෙවා ඔවුන්ගේ ඉන්ධන ලබා ගෙන එම නෞකා පිටත්වීම ආරම්භ කිරීමෙන් පසුව බව එම විශ්ලේෂණයේදී අනාවරණය වී ඇත.

ගුවන් යානා ඉන්ධන සැපයීමට ලංකා ඛනිජ තෙල් නීතිගත සංස්ථාව මෙම සමාගමට පූර්ණ අයිතිය ලබා දී ඇති අතර අනෙක් සැපයුම්කරුවන්ට මිල ගණන් ඉදිරිපත් කිරීමට අවස්ථාවක් ලබා දී නොමැති බව විශ්ලේෂණ වාර්තාවේ සඳහන් වේ.

ලංකා ඛනිජ තෙල් නීතිගත සංස්ථාව ගුවන් යානා ඉන්ධන සැපයීමට දෙවැනි සැපයුම්කරුවකු ඇතුළත් කර ගැනීමත් සමග තත්ත්වය වෙනස් වී ඇතැයි එම වාර්තාවේ දැක්වේ.

විවිධ ඇමතිවරු මාධ්‍ය ඉදිරියට පැමිණ පවසන්නේ තෙල් සංස්ථාවේ සේවකයන්ගේ අකාර්යක්ෂකම සංස්ථාව පාඩු ලැබීමට හේතුවන බවයි. නමුත් මෙවැනි කරුණු හරහා එහි සැබෑ හේතුව හෙළිවේ. එසේම මෙවැනි දෙයකට බලශක්ති ඇමතිවරයාගේ සිට සියලු දෙනා මේ සඳහා වගකිව යුතු වේ.

Share post:

Popular

වෙනත් පුවත්

කාවන්තිස්සගේ මරණයට හේතුව ගැන අධිකරණයේදී අනාවරණයක්

කාවන්තිස්ස හස්තියා මිය යෑමට හේතුව වෙඩි තැබීමක් නොව මහාන්ත්‍රයේ...

මෙන්ඩිස් සමාගම බදු අඩුකරගන්න අල්ලස් දීලා

මෙන්ඩිස් සමාගම විසින් රජයට නීත්‍යානුකූලව ගෙවිය යුතු බදු මුදල්...

දශකයක් තුළ ඉතාලි පාසල් පද්ධතියට ළමුන් ලක්ෂ 8 ක් අහිමි වෙයි.

නොවැම්බර් 20 වන දිනට යෙදෙන ලෝක ළමා දිනය මුල්...

මුදාහළ ස්ත්‍රී ආත්මයක සංවේදනය

ධම්මිකා විජේසිරිගේ 'ඉහිල් මුහුලස්' උනා දැමීමීට පෙර ඇය 'මේඝමාලාගේ...