ශ්‍රී ලංකාවේ බැංකු පද්ධතිය ස්ථාවර බව සඳහන් පුවත සම්පූර්ණයෙන් අසත්‍ය බවත් මේ පිලිබඳ වහාම ආණ්ඩුව විසින් පැහැදිලි කිරීමක් කලයුතු බවටත් ලංකා බැංකු සේවක සංගමයේ ප්‍රධාන ලේකම් රංජන් සේනාන්නායක විශේශ ප්‍රකාශයක් සිදු කරමින් පවසා ඇත.
එසේම ශ්‍රී ලංකාවේ බැංකු පද්ධතිය ස්ථාවර බව ශ්‍රී ලංකා මහ බැංකුව ද පවසා තිබේ.
සමග ජන බලවේගයේ පාර්ලිමේන්තු මන්ත්‍රී ආචාර්ය හර්ෂ ද සිල්වා අද පාර්ලිමේන්තුවේ දී මෙරට රාජ්‍ය බැංකුවක් ණය ගෙවීම් පැහැර හැරීමේ තත්ත්වයට පත්ව ඇති බවට තොරතුරු ලැබී ඇතැ යි පවසා තිබුණි. පසුව වාර්තා වූ තොරතුරු හරහා පැතිර ගියේ එය මහජන බැංකුව බවයි.
කෙසේවෙතත් ලංකා බැංකු සේවක සංගමයේ ප්‍රධාන ලේකම් රංජන් සේනාන්නායක පවසා ඇත්තේ මෙම පුවත සම්බන්ධයෙන් මහජන බැංකුවේ පාලන අධිකාරියෙන් විමසූ බවත් රුපියල්වලින් කරන දේශීය ගණුදෙනුවලට අදාළව මහජන බැංකුව කිසිදු ගැටලුවකට මුහුණ දී නැති බව වගකීමෙන් යුතුව පැවසිය හැකි බවයි.
විදේශීය මුදල් මගින් කරන ගනුදෙනුවලදී විවිධ අවස්ථාවල ගැටළු පැන නැගී ඇති නමුත් බැංකුව විසින් සිදුකර ඇති සියලු ගනුදෙනු සඳහා මහ බැංකුවේ සහ මහා භාණ්ඩාගාරයේ ආවරණයක් පවතින බැවින් එම ගෙවීම් සිදුකිරීමේ ගැටලුවක් පැන නොනගින බවයි.
