හැමදාම වගේ
අදත් හවස
ගෙදර යන ගමන්
ෆුඩ්සිටි දිහා බලාගෙන
සතොසෙන් ලාබෙට
නාඩු තුනක් ගත්ත
මල්ල පිරෙන්න සැහැල්ලුවට
මුමුණනව ඇහුණා
මේ මාසෙට
මඟුල් ගෙවල් තුනක්
ළඟම නෑයොන්ගෙ
හැබැයි දුර
දවසින් දවස පෑගුනාට
අදනම් චුරුවෙලාම ගියා
පයකට
අත්තියල බලද්දී ඇඟට
ගල්වෙච්ච හීතලක් දැනුන තදට
මැරිල හුඟක් කල්ද කොහෙද
ජීවත්වුනාට
(ඒකට හොඳම සාක්කිය)
පපුවෙන් පැන්න
හැගීම් මැරිච්ච
සුදුමැලි ලේ පැල්ලමක්
පොළවට
කඳුළුනම් තිබ්බෙ නෑ ඇස්වල
ඒත් බොරපාටට
තුනී පටලයක් තිබ්බ
තෙතමන
සාක්කුවෙ හිස් පසුම්බිය
අයිඩෙන්ටියත් එක්ක
විසිකළා අපේ එකෙක් කාණුවට
නම් ගම් මොකට
ජීවත්වෙද්දිම මැරිච්ච එකෙකුට !!
රසිකා මුහන්දිරම්ගේ
