ශ්රී ලංකාවට බොර තෙල් සහ ඛනිජතෙල් ආශ්රිත නිෂ්පාදන දිගුකාලීන ණය පදනම යටතේ ලබාගැනීමට එක්සත් අරාබි එමීර් රාජ්ය සහ ඉරානය සමඟ බලශක්ති අමාත්ය නීතිඥ උදය ගම්මන්පිල සාකච්ඡා කර තිබේ.
එයට හේතුව ශ්රී ලංකාව මුහුණ දී සිටින විදේශ විනිමය අර්බුදයයි.
බලශක්ති අමාත්ය නීතිඥ උදය ගම්මන්පිල ශ්රී ලංකාවේ එක්සත් අරාබි එමීර් රාජ්ය තානාපති කාර්යාලයේ වැඩබලන ප්රධානී සෙයිෆ් ඇලනාෆ්බි සහ ශ්රී ලංකාවේ ඉරාන තානාපති හසීම් අස්ජසාඩේ යන අය සමඟ මේ පිළිබඳව පසුගියදා සාකච්ඡා කර තිබේ.
පසුගියදා ඛනිජ තෙල් සංස්ථාවේ ජාතික සේවක සංගමයේ සභාපතිවරයා චෝදනා කරනු ලැබුවේ දැනට තිබෙන තෙල් තොග ප්රමාණවත් වන්නේ දින කිහිපයකට බවයි. රට තුළ ඉන්ධන හිඟයක් ඇති බවත් ඔහු පැවසීය.
පසුව අසත්ය ප්රකාශ කළේ යයි චෝදනා කරමින් ඔහුව අත්අඩංගුවට ගත් අතර පසුව ඇප මත නිදහස් කරන ලදී.
