හෙට සිට සාමාන්‍ය පරිදි රාජ්‍ය සේවකයින් රාජකාරිකාරි කටයුතු සඳහා කැඳවීමේ චක්‍රලේකයට අනුව ගුරුවරුන් හට ද පාසලේ අනධ්‍යන කාර්ය මණ්ඩලයට ද රාජකාරි සඳහා වාර්තා කරන ලෙස අධ්‍යාපන ලේකම්වරයා ලිපියක් මඟින් දන්වා තිබේ.
එහිදී කොවිඩ් නිසා වැසුනු පාසල් යළි ආරම්භය සම්බන්ධයෙන් කිසිවක් දැනුවත් කර නොමැති අතර රාජකාරි සඳහා සියලුම පාසල්වල අධ්‍යයන හා අනධ්‍යයන කාර්ය මණ්ඩල හට රාජකාරි සඳහා වාර්තා කිරීමට දැනුවත් කර තිබේ.
කෙසේ නමුත් මේ සම්බන්ධයෙන් මේ වන විටත් වැටුප් විෂමතා ඇතුළු ඉල්ලීම් කිහිපයක් යොමු කරමින් වෘත්තීය ක්‍රියාමාර්ගයක නියැළි සිටින ගුරු විදුහල්පති සංගම් 14 එක්ව, කරුණු කිහිපයක් උපුටා දක්වමින් වෘත්තීය ක්‍රියාමාර්ගයක් ලෙස අධ්‍යාපන අමාත්‍යංශයේ ලේකම්වරයාගේ ලිපියට අනුව පාසල්වලට පැමිණීමෙන් වැලකි සිටීමට සියලු ගුරු විදුහල්පතිවරු කටයුතු කරන බව ප්‍රකාශ කරමින්, ලිපියක් නිකුත් කර තිබේ.
ගුරු – විදුහල්පති වෘත්තීය සමිති අධ්‍යාපන ලේකම්වරයාට යොමුකළ ලිපිය පහත දැක්වේ.
