කොවිඩ්-19 වසංගත තත්ත්වය හේතුවෙන් මේ වන විට ශ්රී ලංකාව ක්රියාත්මක කර ඇති මාර්ගගත අධ්යාපන ක්රමවේදය තුළ දරුවන්ට විඳීමට සිදුව ඇති දුෂ්කරතා පිළිබඳ ජ්යාත්යන්තර මාධ්ය ආයතනයක් වන අල් ජසීරා වාර්තා කර තිබේ.
අන්තර්ජාල සේවාවන්හි දුර්වලතාවය හේතුවෙන් ඌව පළාතේ – බෝහිටියාව ගම්මානයේ දරුවන් කඳු,පර්වත,ගස් මුදුන් හි සිට අධ්යාපනය හදාරන ආකාරය අල් ජසීරා මාධ්ය ආයතනය ඡායාරූප ද සමඟින් වාර්තා කර තිබේ.
සිය පාඩම් මාලා අන්තර්ජාලය ඔස්සේ දරුවන්ට ලබාදීමට ගුරුවරුන්ට කඳු මුදුන් වෙත යාමට සිදුව ඇති බවත් දරුවන්ට ද එම ඉගැන්වීම් සඳහා සහභාගී වීමට මෙන්ම පාඩම් මාලා දුරකථනය ඔස්සේ භාගත (Download) කරගැනීමට ද මෙසේ අවධානම් සහගත ක්රියාවන්හි නිරත වීමට සිදුව ඇති බව එම වාර්තාව පෙන්වා දෙනු ලබයි.
සෑම දරුවෙකුටම ලැප්ටොප් සහ ජංගම දුරකථන නොමැති අතර දරුවන් කිහිප දෙනෙකුට එකම උපාංගය බෙදා ගැනීමට සිදුව තිබීම ඉතාම කණගාටු දයක තත්ත්වයක් බවද එම මාධ්ය වාර්තා පවසයි. මෙම දරුවන්ගේ මව්පියන් බොහෝ දෙනෙක් ගොවීන් වේ.
දිනකට දෙවරක් පමණ ඉගැනීම සඳහා පර්වටතයට යන දරුවන්ගේ ආරක්ෂාව සඳහා ඔවුන් පසුපස යාමට මව්පියන්ට සිදුව ඇති බවත් ගම්මානයට ඔන්ලයින් අධ්යාපනය සඳහා මූලික පහසුකම් කිසිවක් නොමැති බවත් මෙම මාධ්ය වාර්තාව හරහා පෙන්වා දී ඇත.
ජ්යාත්න්තර මාධ්ය ආයතනය පෙන්වා දෙන්නේ කොවිඩ්-19 වසංගතයට පෙර ඔවුන් ගම්මානයට කිලෝමීටර් 16 ක් තරම් දුරින් පිහිටි රජයේ පාසලකින් ඉගෙනුම ලබා ගත් නමුත් මේ වන විට පාසල වසා දමා ඇති බවයි.
