දෛනික කොවිඩ් මරණ වාර්තා කිරීමේදී අද (11) පෙරවරුවේ නිකුත්වූ තොරතුරුවලින් පැවසුණේ ඊයේ දිනය වනවිට කොවිඩ් මරණ 101ක් සිදුව ඇති බවයි. ඊට අදාළ විස්තර වාර්තාවක් මේ වන විට රජයේ ප්‍රවෘත්තු දෙපාර්තමේන්තුව විසින් නිකුත් කර තිබේ.
ඒ අනුව එම මරණ සිදුව තිබෙන්නේ පෙබරවාරි 06 සිට ජුනි 09 දක්වා කාලය තුළය.
එම වාර්තාවේ පරිදි ඊයේ (10) දින මෙරටින් කොවිඩ් මරණ වාර්තා වී නැත.
වාර්තා කර තිබෙන මරණ 101න් කාන්තාවන් 48ක් සහ පුරුෂයින් 53ක් වෙයි.
වයස අවුරුදු 20ට අඩු කිසිම මරණයක් වාර්තා වී නැති අතර වයස 60 – 69 වයස් කාණ්ඩයේ මරණ 30ක් සිදුව ඇත.
මෙම මරණ 101 අතර නිවසේදී සිදුව ඇති මරණ ගණන 30ක් ලෙස දැක්වෙයි.
