මරණ සහ සංකූලතා වළක්වා ගැනීමට ප්රමුඛතාවය දී සකස් කළ එන්නත්කරණ වැඩපිළිවෙල මේ වන විට අසංවිධානාත්මක සහ අක්රමවත් තත්ත්වයකට පත්ව ඇති බව රජයේ වෛද්ය නිලධාරීන්ගේ සංගමය පවසයි.
එම සංගමයේ සංස්කාරක වෛද්ය හරිත අලුත්ගේ පවසා ඇත්තේ මරණයට පත්වෙන්නේ සහ සංකූලතා ඇතිවෙන්නේ වයස් ගත පුද්ගලයන්ට සහ වෙනත් රෝගාබාධවලින් පෙළෙන්නන් බවට හඳුනාගෙන ඇති බවයි. ඒ අනුව එන්නත්කරණ වැඩපිළිවෙල තුළ ඒ අයට ප්රමුඛතාවය දීය යුතු බව හඳුනාගෙන තිබූ බවද ඔහු පවසයි. එසේ තිබියදී 30 – 59ත් අතර ඛාණ්ඩයක් කවුද දැම්මේ යන ප්රශ්නය මතුවන බවද වෛද්ය හරිත අලුත්ගේ පවසා තිබේ.
ලෝක සෞඛ්ය සංවිධානයට එක සැලස්මක් ඉදිරිපත් කර දැන් අපේ රට ඇතුලේ වෙනම සැලැස්මක් ක්රියත්මක වෙමින් පවතින බවද ඔහු මෙහිදී පවසා ඇත.
එන්නත්කරණය සම්බන්ධව සිටින විශේෂඥ කමිටුව පවා මේ අක්රමවත් වැඩපිළිවෙල ගැන මවිතය පළ කර තිබෙන අතර එහි වගකීම පවා ගැනීමට කිසිවෙක් නැති බවයි වෛද්ය හරිත අලුත්ගේ සඳහන් කරයි.
එම නිසා සිදුව තිබෙන වැරැද්ද නිවැරදි කරගෙන ඉදිරි වැඩපිළිවෙල ක්රමවත් කරගත යුතු බව ඔහු අවධාරණය කරන ලදී.
