ත්රිකුණාමලය, සේරුවිල ප්රදේශයෙන් රත්රං නිධියක් හමුවූ බව පවසමින් පළකරන ලද මාධ්ය වාර්තා අතිශයෝක්තියෙන් වාර්තා කරන ලද ඒවා බව පරිසර අමාත්යංශයේ ලේකම් වෛද්ය අනිල් ජාසිංහ පවසා තිබේ. ඔහු පවසා ඇත්තේ එම ප්රදේශයේ තුළ කොපමණ ප්රමාණයෙන් තඹ , රත්තරන් අඩංගු ද යන්න තීරණය කළ හැකි වන්නේ කැණීම් කිරීමෙන් පමණක් බවයි. ඒ සඳහා විවිධ පියවර රැසක් අනුගමනය කලා යුතු බවද ලේකම්වරයා පෙන්වා දී ඇත.
වෛද්ය අනිල් ජාසිංහ වැඩිදුරටත් පවසා ඇත්තේ,
“ මෙම රත්රං නිධිය සම්බන්ධයෙන් වාර්තා වී තිබෙන මාධ්ය වාර්තා අතිශෝක්තියෙන් යුක්ත ඒවා. මේ සම්බන්ධයෙන් ඇමතිවරයා හෝ අමාත්යාංශය විසින් මේ දක්වා කිසිදු නිල නිවේදනයක් නිකුත් කර නැහැ. මේ සම්බන්ධයෙන් ඊයේ දිනයේදී අපි අමාත්යාංශයේ දී විශේෂ සාකච්ජාවක් පැවැත්වුවා. ඒ සඳහා භූවිද්යා කාර්යාංශය සහ වනජීවී දෙපාර්තමේන්තුවේ නිලධාරීන් සම්බන්ධ වූනා.
සේරුවිල ඔය කියන ප්රදේශය ගත්විට. ඔය කින ග්රිඩ් ගත්තාහම. ඒ ග්රිඩ්වලින් සියයට 95ක් අදාළ වන්නේ වනජීව කලාපය තුළට. පළමු පියවර ලෙස භූවිද්යා සමීක්ෂණ හා පතල් කාර්යාංශය අපට ලබාදෙනවා මේ අපි කියන exploration කිරීම සඳහා ඒ ක්රමවේදය කුමක්ද කියලා. මෙය වනජීවි දෙපාර්මේන්තුවට සහ ඒ රාජ්ය අමාත්යාංශයට දැනුම්දීමක් කරනවා. මෙය explore කිරීම සඳහා අවශ්ය කටයුතු ඉටුකර දෙන ලෙස. එහිදි ඇත්ත වශයෙන්ම අපි කියන පාරිසරික ඇගයීම. ඒ අනුව ඔය කියන ප්රදේශවල කැණීම් කරලා එවැනි තත්ත්වයකින් පසුව පමණයි මොන ප්රමාණයකට රත්රං තියෙනවාද? මොන ප්රමාණයකට පස් තියෙනවාද කියන එක දැන ගැනීමට හැකි වන්නේ.“
