වේලාව හවස පහයි දහය යි
ඒ මුහුදු මාවතේ
මා දකින්නට කැමති ම වේලාව යි
මාවත අයිනේ එක පෙලට
උස් උස් සෙවණැලි රූ ඇඳෙන වේලාවයි
ගැහැණුන් හා මිනිසුන්
බස් වේලා කෝච්චි වේලා
ගැන කතාවෙන මොහොතයි
කතා සියොතුන් තටු ලබන වේලාවයි
ඉක්මන් ගමන් ඇරඹෙන මොහොතයි
මාවත අයිනේ කරත්තේ කඩල ඇට
පොඩි එවුන්ගේ මුහුණු දකින්නට
සන්තෝසෙන් හිනාවෙයි
දහඩිය මලු අතැඟිල්ලෙන් ගෙන
ගෙට වදින දන පපුවල සීනු නාද කොට
සිනා මල් පිරි මල් කලඹින්
කිචි බිචි කතා නාදෙන්
සංග්රහ ලබන වේලාවයි
උනුන් උන්ගේ සැබෑ ලෝකයට
පිවිසෙනා මොහොතයි
නළල් ඩා බිඳක් ඇඟිලි තුඩින් ගෙන
අහසට ඉසින වේලාවයි
![](https://i0.wp.com/vivaranews.com/wp-content/uploads/2020/04/MadushantBandara.jpg?resize=75%2C75&ssl=1)