අම්මගේ පපුව උඩ කියල හිතපං
පොළව මත සෙමින් අඩි තියපං
තන පුඩුව මත වුණත් වැතිරී
නොදැනෙන්න ඉන්න උගනිව්
අදින් පසු ජීවිතේ ඉරියව්
මේ පාඩමේ විදියට ගෙනියව්
ගෑනිගේ පපුව උඩ වගේ දඟලන්
හති අරින්නේ නැතිව හිටපං
හුස්මක් වුණත් ගන්න ඉස්සර
සිය දහස් වාරයක් හිතපං
ඉක්මනට නිවාඩු යන්න ඕන්නං
හරියට ඉලක්කෙට වැඩේ දීපං
බිමේ පාට ම මූණෙ ගාපං
කටුසු වෙස් ගෙන නොපෙනි හිටපං
යකඩ හෙල්මට් පොත්ත දුරකට
හත්ත සේ බිම තියං ඉඳපං
බිජ්ජ පැළිලා හුජ්ජ ආවත්
ඉන්න විදියට ඔහොම ඉඳපං
දෙකක් නැතුව ම එකක් තියපං
එකෙක් ගානෙ ම ගණං කරපං
ඇද වැටෙන උන් ගණන වැඩි නං
නැගිටින්න හැකි වෙන්න පුළුවං
එහෙම නැත්නං උඹේ බොඩියත්
ගණං කර ගෙන යන්න පුළුවං
නිරපරාදේ අහකෙ අපතේ
බුලට් වැය කරනු නොහැකියි
උණ්ඩයක් උණ්ඩයක් ගානේ
ප්රීතිමත් පණිවිඩ ම පතපං
නළල,හදවත,බෙල්ල පමණක්
එල්ල කරලා කොකා ගහපං
