ග්‍රීන් කාඩ් හෙවත් අමෙරිකානු සංක්‍රමණික වීසා ලොතරැයි වැඩසටහන වාර්ශිකව පැවැතෙවෙන අතර ග්‍රීන් කාඩ් ලොතරැයිය යටතේ අහඹු ලෙස තෝරා ගත් අයැදුම්කරුවන්ට සංක්‍රමණික වීසා සඳහා සම්මුඛ පරික්‍ෂණයකට අවස්ථාව ලබා දෙන අතර සුදුසුකම් ලැබුවහොත් ඔවුන්ට අමෙරිකා එක්සත් ජනපදයේ නීත්‍යානුකූල ස්ථීර නේවාසිකයින් විය හැකි වේ. මේ සඳහා ඉන්ටර්නෙට් ඔස්සේ ලියාපදිංචි විය හැකි අතර එය සම්පූර්ණයෙන් ම නොමිලේ සිදුකෙරන සේවාවකි. එහෙත් ව්‍යාජ ලෙසින් අමෙරිකානු සංක්‍රමණික වීසා ඒජන්තයන් ලෙස පෙනී සිටිමින් මිනිසුන් නොමග යවා මුදල් ගසා කන වංචනිකයන් පිරිසක් පිලිබඳව තොරතුරු වාර්තා වෙයි.
ඇමරිකාවේ කොළරාඩෝ ප්‍රාන්තයේ ජීවත් වන උදය ජයවර්ධන සහ නයනි තනුජා ඉලංගකෝන් යන යුවළ ග්‍රීන් කාඩ් -අමෙරිකානු සංක්‍රමණික වීසා ලබා දෙන බවට පොරොන්දු වී ශ්‍රී ලාංකිකයන් බොහෝ දෙනෙකුගෙන් මුදල් වංචා කොට ඇති බව වාර්තා වෙයි. මෙම යුවළගේ ග්‍රීන් කාඩ් වංචාවට අසුවූ පානදුරයේ සරත් කුරේ මහතා මේ දෙදෙනා පිලිබඳව කොලඹ වංචා විමර්ශණ මූලස්ථානයට පැමිණිලි කොට ඇත. මෙම යුවළගේ ග්‍රීන් කාඩ් වංචාවට අසුවූ තවත් පුද්ගලයන් සිටියි නම් ඉදිරිපත් ලෙසට සරත් කුරේ මහතා ඉල්ලා සිටියි.
