“බොහෝ තරු අහස මත ම
මිය ගියපු හින්දා
සඳ ඇවිත් අහසට හඬයි
පිණි කඳුළු බිඳු හංගා”
(පුවතක්)
තරු කැට එකින් එක මියෙද්දී
සඳ හිතුවෙ නැති එක ඇත්තයි
එය වෛරසයක් ව පැතිරෙතැයි
හිතන්නට ඉඩක් නොතිබුණයි
තරු බුරුතු පිටින් කඩා වැටෙද්දී
සඳට කට උත්තර නැත්තෙ ඒකයි
ඔරායන්ගෙ බඳ පටිය නිවිලා
සඳට මැසිවිලි ගොන්නයි
ඉරට පැමිණිලි කරන බව අද හෙට
සිකුරු තරුව තැන තැන කියමින් ඇවිදියි
හත්දින්නත් තරු පොකුරෙත්
ඇතැම් තරු ඩිම් බව සැලවෙයි
සඳ අන්ත අසරණව වලාවක හැංගෙයි
අහස දෙස බලනා විටදි අද නිදහසේ
තරු හුඟක් අඩු බව පේන්නේ ඒකයි
රන් තැටියක් බඳු සඳ අද
දකින්නට නෑ තමයි
පොළොවේ වගෙම අහසෙත්
ගැටළු ඇති බව පේන්නට තිබෙයි
සඳ වරින් වර කඩමණ්ඩියට එයි
හවසට ටිකක් බොන බවත් පැවසෙයි
කළු වලාකුළු අතරෙ නිති සරමින්
ග්රහ වස්තු දකින විට හැංහෙයි
