ඔපෙක් සාමාජික රටවල් මැයි සහ ජුනි මාසවල තෙල් නිෂ්පාදනය දිනකට බැරල් මිලියන 9.7 කින් අඩු කිරීමේ එකඟතාවකට පැමිණ තිබේ. කොරෝනා වයිරස් වසංගතය නිසා ඇති වි තිබෙන තත්වය හමුවේ ඉල්ලුම පහත වැටීම සහ ලොව පුරා ඇති සීමිත ඉල්ලුම සපුරාලීම සඳහා අත්‍යවශ්‍ය ප්‍රමාණය නිෂ්පාදනය කිරීමෙන් ඇතිවී තිබෙන පාඩු අවම කර ගැනීමට මේ තීරණය ගත් බව පැවසේ . ඔපෙක් සංවිධානය ලෝකයේ තෙල් සංචිතවලින් දළ වශයෙන් 2/3 ක් සංචිතවලින් 78% ක් දරයි.

මේ වසරේ ජනවාරි මුල WTI බොරතෙල් බැරලයක මිල ඩොලර් 63 ක් වූ අතර අප්‍රේල් 17 වන දින ඩොලර් 18 ක් විය. අනෙක් අතට Brent බැරලයක මිල ඩොලර් 28 ක් වුවද වසර ආරම්භයේදී එහි මිල ඩොලර් 70 කට ආසන්නය.

1999 මාර්තු මාසයෙන් පසු ප්‍රථම වතාවට WTI බැරලයක මිල ඩොලර් 13.48 දක්වා පහත වැටී තිබේ .ඒ අතරම, වෙළඳ දත්ත වලට අනුව දහවල් 1: 25 ට (මොස්කව් වේලාවන් ), උතුරු මුහුදු Brent හී මිලද 3.6% කින් පහළ ගොස් ඩොලර් 27.09 ක් විය.

තව දුරටත් බොරතෙල් මිල පහළ වැටෙමින් තිබෙන මුත් මිළ පහළ යෑමේ වාසිය බොහෝ රටවල ජනතාවට ලැබී නැහැ .