හම්බන්තොට වන අලි කළමනාකරණ රක්ෂිතය මායිමේ සීනුක්කුගල, ඔරුකෙන්ගල හා කපාපුවැව ප්‍රදේශයේ අලි – ඇතුන් ගේ ප්‍රධාන වාසස්ථාන වන වනාන්තර අක්කර 1000 ක් පමණ එළිපෙහෙළි කරමින් නීති විරෝධී ව සමාගම් 17 ක් විසින් මහ පරිමාණ සූර්ය බලශක්ති බලාගාර ඉදි කිරීම ආරම්භ කර තිබේ. සමාගම් 5 ක් එක් ව මෙගාවොට් 50 ක ව්‍යාපෘතියක් හා සමාගම් 12 ක් එක් ව මෙගාවොට් 150 ක ව්‍යාපෘතියක් වශයෙන් මෙම සූර්ය බලශක්ති බලාගාර පද්ධතිය ඉදි කිරීම සිදු කරයි. ඒ සඳහා ඩෝසර් යන්ත්‍ර භාවිතයෙන් වනාන්තර එළි කිරීම, වනාන්තර ගිනි තැබීම හා එල්ලෙන විදුලි වැටවල් වලින් අලින් ජීවත් වන වනාන්තර ආවරණය කිරීම මේ වන විට අවසන් කර ඇත.

සජීව චාමිකර – ඉඩම් හා කෘෂිකර්ම ප්‍රතිසංස්කරණ ව්‍යාපාරය