නව අධ්යාපන ප්රතිසංස්කරණ යටතේ 6 වන ශ්රේණිය සඳහා ප්රකාශයට පත් කරන ලද ඉංග්රීසි භාෂා මොඩියුල 1, 2 සහ 3 යන ග්රන්ථවල අසභ්ය වෙබ් අඩවියකට යොමු කෙරෙන වෙබ් ලිපිනයක් ඇතුළත් කිරීමේ සිද්ධිය සම්බන්ධයෙන් නුගේගොඩ මහේස්ත්රාත් රුවන්තිකා මාරසිංහ අපරාධ පරීක්ෂණ දෙපාර්තමේන්තුවට (CID) විශේෂ නියෝග කිහිපයක් නිකුත් කර ඇතැයි වාර්තා වේ.
මෙම සිද්ධියට අධ්යාපන අමාත්යාංශයේ ලේකම් නාලක කළුවැව මහතා සම්බන්ධ බවට සාක්ෂි තිබේ නම්, ඔහු සැකකරුවෙකු ලෙස නම් කර අධිකරණයට ඉදිරිපත් කරන ලෙස මහේස්ත්රාත්වරිය නියෝග කර තිබෙන අතර, අදාළ වෙබ් ලිපිනය මොඩියුලවලට ඇතුළත් කර ඇත්තේ චේතනාන්විතවද, වැරදීමකින්ද නැතහොත් නොසලකා හැරීම නිසාද යන්න පිළිබඳව පුළුල් පරීක්ෂණයක් පවත්වන ලෙස CID යට නියෝග කෙරිණි.
අදාළ අසභ්ය වෙබ් ලිපිනය අඩංගු බව කියන ගුරු පුහුණු අත්පොත සහ නිවැරදි කිරීම්වලින් (Proofreading) පසුව මුද්රණය කරන ලද මොඩියුල පිටපත නඩු භාණ්ඩ ලෙස අධිකරණයට ඉදිරිපත් කරන ලෙස දැනුම් දී තිබේ.
අධ්යාපන වෘත්තිකයන්ගේ සංගමය (AEP) සහ ශ්රේණි විදුහල්පතිවරුන්ගේ සංගමය (GPA) වෙනුවෙන් පෙනී සිටි නීතිඥයන් ඉදිරිපත් කළ කරුණු සලකා බැලීමෙන් පසු මෙම නියෝග නිකුත් කර ඇත.
පූජ්ය උලපනේ සුමංගල හිමියන් වෙනුවෙන් පෙනී සිටි ජනාධිපති නීතිඥ මෛත්රී ගුණරත්න අධිකරණයට ප්රකාශ කළේ, CIDය පරීක්ෂණ පවත්වන්නේ අධ්යාපන ලේකම්වරයා කළ පැමිණිල්ලක් මත පමණක් බවත්, ඊට පෙර වෙනත් පාර්ශ්ව ඉදිරිපත් කළ පැමිණිලි නොසලකා හැර ඇති බවයි.
ඇත්ත වශයෙන්ම සැකකරුවෙකු විය යුතු ලේකම්වරයාගේ පැමිණිල්ල මත පරීක්ෂණ පවත්වා සැබෑ වැරදිකරුවන් ආරක්ෂා කිරීමට CIDය උත්සාහ කරන බවට ඔහු චෝදනා කර ඇත.
අපරාධ පරීක්ෂණ දෙපාර්තමේන්තුවේ විශේෂ විමර්ශන ඒකකයේ ස්ථානාධිපති ප්රධාන පොලිස් පරීක්ෂක කැලුම් කරුණාරත්න අධිකරණයට කරුණු දක්වමින් කියා සිටියේ, මේ වන විට පුද්ගලයින් 35 දෙනෙකුගෙන් ප්රකාශ සටහන් කරගෙන ඇති බවයි.
එමන්ම, විද්යුත් උපකරණ සහ දත්ත සම්බන්ධයෙන් අධිකරණ වෛද්ය පරීක්ෂණයක් (Forensic investigation) පවත්වන අතර, කථිකාචාර්යවරුන් සහ ජාතික අධ්යාපන ආයතනයේ ජ්යෙෂ්ඨ සහකාර අධ්යක්ෂවරයා අතර හුවමාරු වූ ඊමේල් පණිවිඩ ද පරීක්ෂාවට ලක් කරන බව සීඅයිඩීය දැනුම් දී ඇත.
කෙසේ වෙතත්, නීතිඥ ගුණරත්න චෝදනා කළේ CIDය හිතාමතාම පරීක්ෂණ ප්රමාද කරන බවත්, එමඟින් වැරදිකරුවන්ට සාක්ෂි විනාශ කිරීමට ඉඩ ලැබෙන බවයි.
CIDය වැරදිකරුවන්ට ගැළවී යාමට ඉඩ දෙන්නේ නම්, ඉදිරියේදී තමන් පෞද්ගලික පැමිණිල්ලක් (Private plaint) මඟින් නීතිමය ක්රියාමාර්ග ගන්නා බවට ඔහු අනතුරු අඟවා තිබේ.
අධ්යාපන ප්රතිසංස්කරණ සම්බන්ධ ප්රශ්නය වෙබ් ලින්ක් එකකට ලඝු කිරීම බරපතල වරදක් ලෙස තිබේ. එය සිදුකරන්නේ විපක්ෂයේ ප්රධාන පක්ෂ කේන්ද්ර කරගත් බලවේගයි. නමුත් මෙම වෙබ් ලින්ක් හරහා හෙළිවූ කරුණක් වන්නේ කොයිතරම් නොසැලකිලිමත් ආකාරයෙන් සහ හදිසියකින් මේ ප්රතිසංස්කරණ ක්රියාත්මක කිරීමට ආණ්ඩුව උත්සහ ගෙන තිබේද යන්නයි. මෙහිදී අධ්යාපන අමාත්යංශයේ වගකීම් පැහැර හරිම ගැනද සැළකිලිමත් විය යුතුය. එසේනම් අධ්යාපන අමාත්යංශයේ ලේකම් පමණක් නොව ඇමතිවරිය ද එහි වගකීම බාරගත යුතුය. මීට පෙර පැවති ආණ්ඩුවලදී සිදුවූවේ යම් අමාත්යංශයක සිදුවූ වරදකදී එම අමාත්යංශයේ ලේකම්වරයාට පමණක් වරද පටවා දේශපාලන අධිකාරිය ඇඟ බේරා ගැනීමයි. මේ ආණ්ඩුව යටතේද එය සිදුවන බව පෙනෙන්නට තිබේ.
