36වන ඉල්මහ විරු සමරුව අදට යෙදී තිබේ.
1989 නොවැම්බර් 13 වැනිදා ජනතා විමුක්ති පෙරමුණේ නිර්මාතෘ රෝහණ විජේවීර මරණයට පත් වූ අතර සෑම වසරකම එම දිනය අරගලයෙන් මිය ගිය සියලු දෙනා අනුස්මරණය කර ‘ඉල් මහ විරු සමරුව’ ලෙස සැමරේ.
ජනතා විමුක්ති පෙරමුණ සහ පෙරටුගාමී සමාජවාදි පක්ෂය යන පක්ෂ දෙකම අද විරු සමරු උත්සව දෙකක් සංවිධානය කර තිබේ.
පෙරටුගාමී සමාජවාදි පක්ෂයේ විරු සමරුව අද (13) පස්වරු 3ට දෙල්කඳ පොළ භූමියේදී පැවැත්වේ.
ජනතා විමුක්ති පෙරමුණේ අද (13) පස්වරු 3.30ට කොළඹ, විහාරමහාදේවි එළිමහන් රංග පීඨයේදී පැවැත්වීමට කටයුතු කර තිබේ.
පහත කවිය උපුටා ගනු ලැබුවේ Facebook පිටුවකිනි.
කඩදොර පෙනෙන මානේ කන්දක මුදුනේ
රහසිනි අප සෙනෙහෙබර සඳ වැඩ සිටියේ
උලපනෙ යන ගැලක මිනි ගෙඩි හඬපානේ
පහන් තරුව තිබුණේ අළුයම සිහිනේ….
වෘක්ෂයෙන් ගලන සල් මල් සුවඳ ලෙස
සත්‍ය සාසනය බිහි කොට දොරින් දොර
මඟ කිව් දෙවුන්දර බෝසත් ප්‍රදීපය
මරිය මවුන් හට රැකගත නොහැකි විය…
නිල්වලා ඉවුරෙ කඳවුරු බැඳි අඳුර
රන් සඳේ රුවට එදිරිව නැගෙන විට
දේහ ලකුණු කී ජුදාස් පිහිට කොට
දෑත දෙපය බැඳ නිව්වේ අපේ සඳ…
