”අනිද්දා” පුවත්පතට අදාළ ‘අනිද්දා’ වෙබ් අඩවියේ වාර්තා කර තිබූ පුවතක් පාදක කරගනිමින් කර්මාන්ත හා ව්‍යවසායකත්ව සංවර්ධන අමාත්‍යංශය
යටතේ පාලනය වන ලංකා මිනරල් සෑන්ඩ්ස් සමාගම මගින් මෙතෙක් මිලදී ගනිමින් තිබූ ˝අනිද්දා˝ පුවත්පත, 2025 ජූලි 09 වන දින සිට මිලදී ගැනීමේ ඇණවුම හදිසියේ අත්හිටුවීමට ලංකා මිනරල් සෑන්ඩ්ස් සමාගමේ පාලනාධිකාරිය විසින් තීරණය කර ඇත.
එම තීරණය මාධ්‍ය නිදහසට – භාෂණයේ සහ ප්‍රකාශනයේ නිදහසට මෙන්ම ජනතාවගේ තොරතුරු දැනගැනීමේ අයිතියට ආණ්ඩුවේ බලපෑම් එල්ල කළ තවත් අවස්ථාවක් ලෙස සලකන බව සඳහන් කරමින් ලංකා වෘත්තීය ජනමාධ්‍යවේදීන්ගේ සංගමය මාධ්‍ය නිවේදනයක් නිකුත් කර ඇත.
ලංකා වෘත්තීය ජනමාධ්‍යවේදීන්ගේ සංගමයේ සභාපති දුමින්ද සම්පත් සහ ලේකම් රංග බණ්ඩාරනායක ගේ අත්සනින් යුතුව නිකුත් කර ඇති එම නිවේදනයට අනුව ආණ්ඩුවේ මුග්ධභාවය ලංකාවේ කීර්තිමත් විකල්ප ධාරාවේ පුවත්පතක් වන ˝අනිද්දා˝ පුවත්පත කේන්ද්‍ර කර ගනිමින් මුදා හළ අවස්ථාවක් ලෙස මෙය සලකන බව ද එම සංගමය පවසයි.
මෙම අත්හිටුවීම සඳහා බලපා ඇත්තේ ලංකා මිනරල් සෑන්ඩ්ස් සමාගමේ සභාපති අශෝක පීරිස්ව සුනිල් හඳුන්නෙත්ති ඇමතිවරයා විසින් ඉවත් කිරීම ගැන අනිද්දා පුවත්පත වාර්තා කිරීම බව මාධ්‍ය සංගම් නිවේදනය සඳහන් කර සිටියි.
මතු පළ වන්නේ ලංකා වෘත්තීය ජනමාධ්‍යවේදීන්ගේ සංගමය විසින් නිකුත් කරන ලද සම්පූර්ණ මාධ්‍ය නිවේදනය යි.
