මැද පෙරදිග කලාපයේ ගැටුම් හේතුවෙන් තෙල් මිල ඉහළ යාමක් සිදුවෙතැයි බිය පළව තිබියදී ලංකාවට තවත් ගැටළුවක් ඇතිව තිබේ.
ඊශ්රායලය සහ ඉරානය අතර පවතින යුධ ගැටුම් හේතුවෙන් ශ්රී ලංකාවේ තේ ආර්ථිකයට දැඩි බලපෑමක් එල්ල වෙමින් තිබෙන බවත් මේ හේතුවෙන් තේ කර්මාන්තය දැඩි අවදානම් තත්ත්වයක පවතින බව රත්නපුර දිස්ත්රික්කයේ තේ කර්මාන්තශාලා හිමියන් පවසයි.
විශේෂයෙන්ම මධ්යස්ථ ප්රමිතිතියකින් යුතු නිමි තේ කොළ විශාල ප්රමාණයක් ඉරානය ඇතුළු මැදපෙරදිග අරාබි රටවලට අපනයනය කරන බවත් පවතින ගැටුම් හේතුවෙන් මේ දිනවල එම රටවලට ඇති තේ කොළ ඉල්ලුම පහත වැටි ඇති බවත් පැවැති තේ කොළ වෙන්දේසි වලදි නිමි තේ කොළ මිල සීඝ්රයෙන් පහල ගොස් ඇති බවද කර්මාන්ත ශාලා හිමියන් පෙන්වා දෙයි.
පවතින යුද ගැටුම් හේතුවෙන් ඉරානය ඇතුළු මැදපෙරදිග රටවලට ඇති ශ්රී ලංකාවේ තේ කොළ ඉල්ලුම පහල යාමත් සමඟ අමු තේදළු මිලද පහත වැටිමෙි දැඩි අවදානම් තත්ත්වයක් මතුවී ඇති බව වාර්තා වේ.
