සෞඛ්‍ය අමාත්‍යංශය විසින් පරිපූරක වෛද්‍ය වෘත්තීයවේදීන්ගේ ඒකාබද්ධ බලමණ්ඩලයේ සභාපති රවී කුමුදේශ් ගේ රාජකාරී වැඩ තහනම් කර ඇත.
සිය වැඩ තහනමට එරෙහිව කටයුතු කරන බව පැවසු රවී කුමුදේශ්, ඒ සම්බන්ධයෙන් ඉදිරි පියවර ගැනීමට නීතිඥ සහාය ලබා ගන්නා බව මාධ්‍ය වෙත අදහස් දක්වමින් පවසා තිබේ.
තමන්ගේ වැඩ තහනම් කර ඇත්තේ තමාගේ කට වැසීමට හා මර්දනය කිරීමට බවද, ආණ්ඩුවේ වැරදි ක්‍රියාමාර්ග පෙන්වාදීම ඔවුන්ට ගැටලුවක් බවට පත්ව ඇති බවද ඔහු ප්‍රකාශ කරයි.
මෙවැනි ක්‍රියාවලින් තමන්ගේ කට වසා මර්දනය කිරීමට සූදානම් වනවා නම්, එය සාර්ථක නොවන බව රවී කුමුදේශ් වැඩිදුරටත් ප්‍රකාශ කර ඇත.
