ජනාධිපති අනුර කුමාර දිසානායක ගේ ප්රධානතම ව්යාපෘතියක් වන ‘ක්ලීන් ශ්රී ලංකා’ (Clean Sri Lanka) වැඩසටහන ලබන ජනවාරි 01දා පෙරවරුවේ ආරම්භ කිරීමට නියමිතව ඇත.
උත්සව ශ්රීයෙන් විදෙස් තානාපතිවරුන් ඇතුළු විශේෂිත පිරිසකගේ සහභාගිත්වයෙන් ජනාධිපති ලේකම් කාර්යාලයේදී එම වැඩසටහන ආරම්භ කෙරේ.
නව වසරේ ජනවාරි පළමු වන දා රාජකාරි ආරම්භ කිරීමේදී රාජ්ය සේවකයන් ලබා දෙන ප්රතිඥාව මෙවර වෙනස් වනු ඇති බවත් එය රජය විසින් එදින අරඹනු ලබන ‘ක්ලීන් ශ්රී ලංකා’ වැඩපිළිවෙල සමග බද්ධ වූ එම වැඩසටහන නිසි ලෙස ක්රියාත්මක කරවීමේ ප්රතිඥාවක්වනු ඇති බවත් ආරංචිමාර්ග පවසයි.
නිසි සනීපාරක්ෂාවක් සහිත වටපිටාවක් නිර්මාණය කිරීම, අල්ලස් දූෂණ රාජ්ය සහ පෞද්ගලික ක්ෂේත්රයෙන් තුරන් කිරීම, ඩිජිටල්කරණය කිරීම ඇතුළු නව්ය වැඩපිළිවෙල සහිත ‘ක්ලීන් ශ්රී ලංකා’ සංකල්පය බහුවිධ ආකාරයෙන් ක්රියාත්මක කිරීමට මේ වනවිට සැලසුම් කර ඇති බවත් එම වැඩපිළිවෙල නිල වශයෙන් දියත් වීම ලබන ජනවාරි පළමු වන දා ජනාධිපති අනුර කුමාර දිසානායකගේ ප්රධානත්වයෙන් සිදුවන බවත් වාර්තා වේ.
මූලික අදියරේදී ‘ක්ලීන් ශ්රී ලංකා’ වැඩපිළිවෙල ගැන දැනුවත් කිරීමේ සහ මෙය වඩාත් අර්ථාන්විත කිරීම සඳහා සියලු පාර්ශ්වයන්ගේ අදහස් ලබා ගැනීමක් සිදුවනු ඇති බව එම වැඩසටහන දිගුකාලීනව ක්රියාත්මක වනු ඇති බවද ජනාධිපති කාර්යාල ආරංචි මාර්ග සඳහන් කරයි.
‘ක්ලීන් ශ්රී ලංකා’ බලකායේ සාමාජිකයන්
‘ක්ලීන් ශ්රී ලංකා’ වැඩසටහන සඳහා සාමාජිකයන් 18 දෙනෙකුගෙන් සමන්විත කාර්ය සාධක බළකායක් ද මේ වනවිට නම් කර තිබේ. එම සාමාජිකයින් මෙසේය.
01- ආචාර්ය එන්. එස්. කුමානායක – ජනාධිපති ලේකම්
02. යුද හමුදාපති
03. නාවික හමුදාපති
04. ගුවන් හමුදාපති
05. ඩබ්ලිව්. එල්. ඒ. සමන් ප්රියන්ත – වැඩ බලන පොලිස්පති
06. ඉංජිනේරු කුමුදු ලාල් ද සිල්වා -සභාපති, නාගරික සංවර්ධන අධිකාරිය
07. අයි. එස්. ජයරත්න
08. ගිහාන් ද සිල්වා
09. සන්ධ්යා සල්ගාදු
10. ආචාර්ය ගාමිණි බටුවිටගේ
11. ආචාර්ය අනුරුද්ධ ගමගේ
12. දිල්රුක් වනසිංහ
13. දීපාල් සූරියාරච්චි
14. සිසිර අමර බන්දු
15. ක්රිෂාන්ත කුරේ
16. ජයතු පෙරේරා
17. රුවන් වීරසුරිය
18. දයාන් කරුණාරත්න
සමාජයීය පාරසරික හා ආචාර ධර්මීය පිබිදීමක් මගින් සමාජය වඩා දියුණු මට්ටමකට ඔසවා තැබීම අරමුණු කර ගැනීමට සඳහා ”ක්ලීන් ශ්රි ලංකා” වැඩසටහන සැලසුම් කිරීම, මෙහෙයවීම, ක්රියාත්මක කිරීම, ප්රගති සාමාලෝචනය සහ නියමිත කාල රාමුවක අවසන් කිරීම මෙම කාර්ය සාධක බලකායට පැවරී තිබේ.
ක්ලීන් ශ්රී ලංකා වැඩසටහන ක්රියාත්මක කිරීම සඳහා ජනාධිපති කාර්ය සාධක බලකායක් පිහිටුවීමට කැබිනට් මණ්ඩලය පසුගියදා තීරණය කරනු ලැබීය.
