ලංකාවේ අලි මිනිස් ගැටුම සේම විවිධ මාදිලිය වන සතුන් සහ ගොවි ජනතාව අතර ඇති ගැටුම ද බරපතල එකකි .මෑත කාලයේ උග්‍ර අතට හැරුණු රිලවුන්ගෙන් වගාවන් වලට වන හානිය එවන් ගැටළුවක් වන අතර මෙය දෙපාර්ශවයටම හානියක් නොවෙන ආකාරයෙන් විසඳා ගැනීමට අදාල බලධාරීන් සිතා කටයුතු කළ යුතුයි . උද්ගතව ඇති පොල් හිඟය පිටුපස තිබෙන ප්‍රශ්න අතර පොල් වගාවට රිලවුන්ගෙන් වෙන හානියද එකකි .
වගාවට වන හානි වළක්වා ගැනීම සඳහා වගාව ආරක්ෂා කරගන්න කරන අනිකුත් ක්‍රියාමාර්ග සේම තම වගා බිමට හානි කරන්නට එන වන සතුන්ට වගා බිම තුලදී කැමති දෙයක් කරන්නට යැයි ඇමතිවරයෙක් පාර්ලිමේන්තුව තුළදී ගොවි ජනතාවට අවසර ලබාදීම බරපතල කාරණයක් ලෙස සැලකිය යුතුය . මේ ප්‍රකාශය වැරදි ලෙස තේරුම් අරගෙන හෙට දිනයේ දී වගාබිමකට හානි කරන අලි ඇතුන්ට වෙඩි තබා මරා දමා තිබුනොත් මේ ඇමතිවරයා ඊට ලබා දෙන පිළිතුර කුමක් ද ?
