නාගරික ප්‍රදේශවල දෙහි මිල අහස උසට නැග තිබියදී අනුරාධපුර දිස්ත්‍රික්කයේ දෙහි වගා කළ ගොවීන් තම නිෂ්පාදන සඳහා හොඳ මිලක් නොමැතිකමින් දැඩි අසීරුතාවයකට පත්ව සිටින බව ඩේලි මිරර් පුවත්පත වාර්තා කර තිබේ.
ජාතික පාරිභෝගික සංවිධානයේ අසේල සම්පත් උපුටා දක්වමින් මෙම තොරතුරු වාර්තා කර තිබේ.
එම පුවත් වාර්තාවට අනුව අනුරාධපුර ප්‍රදේශයේ දෙහි තොග ගැනුම් මිල රු. 50.00 කි. නමුත් වර්තමාන වෙළෙඳපොළ මිල රු. 2,000 ක් පමණ වේ. මේ හේතුව නිසා අධික පාඩු වළක්වා ගැනීමට ගොවීන් තම අස්වැන්න නෙලන්නේ නැති බවද පැවසේ. අනෙකුත් කෘෂිකාර්මික නිෂ්පාදනවලට ද එවැනි ඉරණමකට මුහුණ දීමට සිදුව තිබේ. දැනට වෙළෙඳපොළේ ඉඟුරු මිල රු. 4,000 කි.
අස්වනු නෙලන සමයේ බහුලව ලැබෙන දෙහි සහ අනෙකුත් කෘෂිකාර්මික නිෂ්පාදන අවාරයේ වෙළෙඳපොළ සඳහා සංරක්ෂණය කිරීමට යාන්ත්‍රණයක් සකස් නොකිරීම මෙහිදී හඳුනාගත හැකි ප්‍රධාන ප්‍රශ්නවලින් එකකි.
එසේම අසේල සම්පත් පවසා ඇති පරිදි තඹුත්තේගම ආර්ථික මධ්‍යස්ථානයේ ඊයේ අඹ තොග ගැනුම් මිල රු. 150කි. කෙසේ වෙතත් නාගරිකව ඒවා අලෙවි කැරෙන්නේ කිලෝවක් 500 ක් 600 ක් වැනි මුදලකටයි.
