කටුනායක බණ්ඩාරනායක ජාත්‍යන්තර ගුවන්තොටුපොළ සහ හම්බන්තොට වරාය සංවර්ධනය කිරීමට චීනය සහය දෙන බව චීන මාධ්‍ය වාර්තා කරනවා.
අග්‍රාමාත්‍ය දිනේෂ් ගුණවර්ධන මහතා උපුටාදක්වමින් South China Morning Post වෙබ් අඩවිය මේ බව වාර්තා කර තිබුණා.
අග්‍රාමාත්‍ය දිනේෂ් ගුණවර්ධන සහ චීන අග්‍රාමාත්‍යවරයා අතර ඊයේ (27) සිදුවූ සාකච්ඡාවකදී මේ පිළිබඳ සඳහන් කළ බව එම වාර්තාවල වැඩිදුරටත් සඳහන්.
ජපානයේ අරමුදල් සහිතව බණ්ඩාරනායක ජාත්‍යන්තර ගුවන්තොටුපළ පුළුල් කිරීම ආරම්භ කිරීමට නියමිතව තිබුණද ශ්‍රී ලංකාවේ ණය පැහැර හැරීමෙන් පසු එය මේ වන විට අත් හිටුවා තිබෙනවා.
ඒ අනුව, අග්‍රාමාත්‍ය දිනේෂ් ගුණවර්ධන සහ චීන අග්‍රාමාත්‍යවරයා අතට පැවති හමුවේදී අදාළ සංවර්ධන කටයුතු සඳහා චීනය සහය දෙන බවට එකඟතාවයකට පැමිණ තිබීම විශේෂත්වයක්.
ලංකාවේ රාජ්‍ය දේපොළ බොහොමයක් ඉන්දියානු සමාගම්වලට විකිනීමට ආණ්ඩුව සැලසුම් කර තිබේ. එහිදී කලාපීය අනෙක් බලවතා වන චීනය තරහ කර නොගැනීමටද ආණ්ඩුව උත්සාහ කරන බව පෙනේ. නමුත් ඒ වෙනුවෙන් වන්දි ගෙවීමට සිදුව ඇත්තේ රටේ ජනතාවටයි. ජනතා දේපොළ විකිණීම යනු රාජ්‍ය ආදායම අහිමිවීම හරහා ජනතාව මත තවත් බර පැටවීමයි.
