‘සන්ඩේ ලීඩර්’ පුවත්පතේ හිටපු කර්තෘ ජ්‍යෙෂ්ඨ මාධ්‍යවේදී ලසන්ත වික්‍රමතුංග වෙඩි තබා ඝාතනය කර අද (8) දිනට වසර 15 ක් සම්පූර්ණ වී තිබේ.
ලසන්ත වික්‍රමතුංග ඝාතනය කර වසර 15 ක් ගතවුවද තවමත් ඔහුගේ ඝාතකයන් නිදැල්ලේ සිටින බවත් ඝාතනය පිළිබදව විමර්ශන භාරව සිටි අපරාධ පරීක්ෂණ දෙපාර්තමේන්තුවේ නිශාන්ත සිල්වා රට හැර ගොස් ඇති බවත් ඔහුගේ ඥාතීන් පවසා තිබේ.
ලසන්ත වික්‍රමතුංග මහතා 2009 වසරේ ජනවාරි 8 වැනිදා රත්මලාන ප්‍රදේශයේදී වෙබි තබා ඝාතනය කර තිබුණි. එම ඝාතනය ගැන චෝදනාව එවක රාජපක්ෂ පාලනය වෙත එල්ල විය. ඉන්පසු 2015 වසරේ රනිල් – මෛත්‍රී ආණ්ඩුව බලයට පත්වූවේ මෙම ඝාතනය සම්බන්ධයෙන් යුක්තිය ඉටුකරන බව පවසමිනි. දැන් නැවතත් රනිල් වික්‍රමසිංහ ජනාධිපති වී සිටියදී පවා එම පොරොන්දුව ඉටුකිරීමට ඔහු කිසිදු උත්සාහයක් ගෙන නැත.
