රාජ්ය විශ්රාම වැටුප අහෝසි කළ යුතු බවට වූ යෝජනාවක් යහපත් රාජ්යකරණය පිළිබඳ තේරීම් කාරක සභාවට ඉදිරිපත් කර ඇතැයි කම්කරු අරගල මධ්යස්ථානයේ සංවිධායක ලේකම් දුමින්ද නාගමුව පවසයි.
විශ්රාම වැටුප් දෙපාර්තමේන්තුවේ අධ්යක්ෂ ජෙනරාල්වරයා විසින් මෙම යෝජනාව ඉදිරිපත් කර ඇතැයි ද ඔහු පසුගියදා කොළඹදී පැවති මාධ්ය හමුවකදී පැවසිය.
දුමින්ද නාගමුව වැඩිදුරටත් පැවසුවේ,
” රාජ්ය සේවයේ විශ්රාම වැටුප අහෝසි කර දායකත්ව විශ්රාම වැටුපකට යා යුතු බවටයි ඔවුන් යෝජනා කරන්නේ. ඒ වගේම අවුරුදු පහට වඩා වැඩි සේවා කාලයක් ඇති රාජ්ය සේවකයන් සේවක කාර්යක්ෂමතාව නෑ කියලා විශ්රාම ගැන්විය යුතු බවටත් ඔවුන් යෝජනා කරනවා. ඒ වගේම යෝජනා කරලා තියෙනවා දායකත්ව විශ්රාම වැටුප් අරමුදල දේශීය සහ විදේශීය ආයෝජනය කළ හැකි ලෙස සකස් කළයුතු බවටයි. ඒක ඉතාමත්ම අවදානම් වැඩක්. මේගොල්ලෝ ආයෝජනය කරන තැන පාඩු වුනොත් සේවකයන්ට මුකුත්ම නැහැ. රාජ්ය සේවකයන්ට ඇති නිවාඩු දින හතළිස් පහ විසිපහ දක්වා අඩුකළ යුතු බවටත් ඔවුන් යෝජනා කර තිබෙනවා. මේවා ඔක්කොම යෝජනා කරන්නේ රටේ වැඩිහිටි ජනගහනය වැඩියෙන්ම ඉන්න වෙලාවක. ඒ විතරක් නෙමෙයි රාජ්ය සේවකයන්ගේ විශ්රාම වැටුප කපන්න යෝජනා කරන අය පාර්ලිමේන්තුවේ අවුරුදු පහකට පසු විශ්රාම වැටුප ගන්නවා. ”
