මේ වන විට දිවයින පුරා රජයේ රෝහල් 40 කට ආසන්න ප්‍රමාණයක් වැසී තිබෙන බවත් 100 කට ආසන්න රෝහල් ප්‍රමාණයක් වැසී යාමට ආසන්න තත්වයේ තිබෙනබව වාර්තා වේ .
රජයේ වෛද්‍ය නිලධාරීන්ගේ සංගමයේ නියෝජිතයින් සමග සෞඛ්‍ය ඇමතිවරයා අද පැවති සාකච්ජාවකදී මේ බව අනාවරණය වී තිබේ.
වෛද්‍යවරුන් නොමැතිව මේ වන විට වැසී තිබෙන හා වැසී යාමට ආසන්න තත්වයේ ඇති රෝහල් උතුරු පලාතේ දිස්ත්‍රික්ක, පුත්තලම හා නුවරඑළිය දිස්ත්‍රික්ක වල බව අනාවරණය කර ගෙන ඇත.
වෛද්‍යවරුන් විදේශ ගතවීම, විශ්‍රාම යාම, ස්ථාන මාරුවීම් ලබා ගැනීම, සේවය අතහැර යාම වැනි කාරණා හේතුවෙන් මෙම තත්වය ඇති වී තිබෙන බවද මෙහිදී අනාවරණය විය.
