ජාත්‍යන්තර මූල්‍ය අරමුදල මගින් ලබාගැනීමට නියමිත ණය ලබාගැනීමෙන් පසු නව කැබිනට් ඇමති ධූර ප්‍රමාණයක් ලබාදීමේ සූදානමක් ඇති බව වාර්තා වේ.
ඒ අනුව ජාත්‍යන්තර මුල්‍ය අරමුදලින් ඇමෙරිකානු ඩොලර් කෝටි 290ක ණය මුදලක් ලබාදීම වෙනුවෙන් අදාළ අධ්‍යක්ෂක මණ්ඩල අනුමැතිය ලබන ජනවාරි මාසයේදී ලැබෙනු ඇති බවට අපේක්ෂාව හේතුවෙන් අලුත් ඇමති මණ්ඩලය පත් කිරීම කල් යනු ඇත.
කැබිනට් මණ්ඩලය සඳහා නව ඇමතිවරුන් දොළොස් දෙනෙක් පත් කිරීමට අදාළ ලැයිස්තුවක් ශ්‍රී ලංකා පොදුජන පෙරමුණ විසින් රනිල් වික්‍රමසිංහට මීට මාස කිහිපයකට පෙර යවා තිබුණි.
නමුත් එම පත් කිරීම් දිගින් දිගටම කල් ගිය අතර ඒ සම්බන්ධයෙන් පොදුජන පෙරමුණ අවස්ථා කිහිපයකදී විරෝධය පවා එල්ල වුණා.
මේ වන විට කැබිනට් මණ්ඩලය සඳහා අමාත්‍යවරුන් අට දෙනෙක්ගෙන් සමන්විත අතර ජනාධිපතිවරයාට තවත් අමාත්‍යවරුන් දොළොස් දෙනෙක් පත් කිරීමට අවස්ථාව හිමිව තිබෙනවා.
ඒ අනුව ලබන ජනවාරි මස පත් කරනු ලබන නව ඇමති මණ්ඩලය සඳහා නිදහස් පක්ෂයේ දුමින්ද දිසානායක, එක්සත් ජාතික පක්ෂයේ වජිර අබේවර්ධන, කම්කරු කොංග්‍රසයේ ජීවන් තොන්ඩමන්, ඒ එල් එම් අ තාවුල්ලා සමඟ සමඟි ජනබලවේගයේ ප්‍රබලයෙක් ද පත් කිරීමට නියමිත බව පැවසේ.
