ගාලු කොටුව අවට ප්‍රදේශයේ ගෝඨාභයට ගෙදර යන ලෙස බලකරමින් විරෝධතා පුවරු ප්‍රදර්ශනය කරමින් සිටින පිරිස් හමුදාව මැදිහත්වී ඉවත්කරන බව වාර්තා වේ.
මේ දිනවල ගාල්ල ක්‍රිකට් ක්‍රීඩාංගනයේ ක්‍රිකට් තරඟයක් පැවැත්වෙමින් තිබෙන අතර ගාල්ල අවට ජනතාව එම ක්‍රීඩාංගනයට පෙනෙන පරිදි විරෝධතා පුවරු රැගෙන විරෝධතාවයේ යෙදෙන ආකාරය ඊයේ දිනයේත් වාර්තා විය. ඊයේ දිනයේත් හමුදාව සහ පොලීසිය මැදිහත් වී ඒ අවට සිටි ජනතාව ඉවත්කරන ආකාරය දැකිය හැකිවිය.
රැස්වීමේ අයිතිය සහ අදහස් ප්‍රකාශ කිරීමේ අයිතිය මූලික අයිතිවාසිකම් ලෙස අපේ රටේ ආණ්ඩුක්‍රම ව්‍යවස්ථාවේ දක්වා ඇත. නමුත් පොදු ජනතාව අරඹයා එය ක්‍රියාත්මක වෙන්නේ මේ ආකාරයෙනි.
