අත්‍යවශ්‍ය නොවන භාණ්ඩ වර්ග 367 ක් බලපත්‍ර පාලනයට නතු කරමින් මුදල් ඇමතිවරයා විසින් රෙගුලාසි පනවා තිබෙනවා.
මෙම රෙගුලාසි අද (09) සිට ක්‍රියාත්මක වන බව වාර්තා වේ.
මෙකී භාණ්ඩ ආනයනය සඳහා ආනයන-අපනයන පාලකවරිය විසින් නිකුත් කරන බලපත්‍රයක් ලබාගත යුතු අතර ඊට පෙර ඒ සඳහා මුදල් අමාත්‍යංශ ලේකම්වරයාගේ නිර්දේශ ලබාගත යුතුය.
ඇපල්, මිදි, දොඩම් ඇතුළු පළතුරු වර්ග, චීස්, චොකලට්, ජලය, විදෙස් මත්පැන් හා බියර් වර්ග සඳහා මෙම රෙගුලාසි බලපැවැත්වේ. මීට අමතරව රූපලාවන්‍ය උපකරණ, පාවහන්, සංගීත භාණ්ඩ, ක්‍රීඩා භාණ්ඩ, ගෘහ විදුලි උපකරණ වර්ග ඊට ඇතුළත් වේ.
