වැලිකඩ හෝ අනුරාධපුර බන්ධනාගාර භූමියේ සීසීටීවී පහසුකම් නොමැති බව බන්ධනාගාර මූලස්ථානය පවසනවා.
මෙතෙක් සීසීටීවී කැමරා සවිකර ඇත්තේ බූස්ස, අඟුණුකොලපලස්ස සහ කළුතර බන්ධනාගාර වල පමණක් බව බන්ධනාගාර මූලස්ථානය පවසා සිටින බවයි ලංකාදීප පුවත්පත වාර්තා කරන්නේ.
ඒ අනුව, “රාජ්‍ය අමාත්‍ය ලොහාන් රත්වත්තේගේ සිද්ධීන් පිළිබඳව සොයා බැලීම සඳහා සීසීටීවී කැමරා දර්ශන ලබා ගත නොහැකි වනු ඇත” යැයි බන්ධනාගාර නිලධාරීන් ලංකාදීප පුවත්පතට පවසා තිබේ.
ලංකාවේ ඇතැම් ස්ථානවල සීසීටීවී වැඩ කරන්නේ අරුම පුදුම ආකායකිනි. යම්කිසි නිර්ප්‍රභූ පුද්ගලයෙකු වැරදි කළහොත් එම සීසීටීවී ඉතා හොදින් වැඩ කරනු ලබයි. නමුත් රට තුළ ආන්දෝලනයක් ඇතිවෙන සිද්ධියකට යම්කිසි ප්‍රභූ පුද්ගලයෙකුට එරෙහිව චෝදනා එල්ල වූ සෑම අවස්ථාවකදීම එම සීසීටීවී අක්‍රීය වී තිබී ඇත.
