කොතලාවල පනතට එරෙහි වීම නිසා අත්අඩංගුවට ගත් ශිෂ්‍ය ක්‍රියාකාරීන් සහ වෘත්තීය සමිති ක්‍රියාකාරීන් අගෝස්තු පළමු සතියේ සිට දීර්ඝ ලෙස රැඳවුම් භාරයේ තබා ගැනීම විශ්වවිද්‍යාලයීය ආචාර්ය සමිති සම්මේලනය විසින් හෙළා දැක තිබේ.
එම සමිති සම්මේලනය පවසන්නේ ඔවුන් මෙලෙස අඛණ්ඩ ව රඳවා තබා ගැනීමට එකම හේතුව නම් මෙම ප්‍රජාතන්ත්‍ර විරෝධී ආණ්ඩුවට විරෝධය පළ කිරීම සහ රටෙහි නිදහස් අධ්‍යාපන අයිතිය අනාගතය පිණිස රැක ගැනීමට සටන් කිරීම බවයි. මේ වනවිට එම ක්‍රියාකාරීන් පිරිසෙන් තිදෙනෙකු කොවිඩ් 19 රෝගයට ගොදුරු වී ඇති අතර ඔවුන්ගෙන් කිසිවකු කොවිඩ් 19 රෝගයේ වර්ධනීය ලක්ෂණයකට ගොදුරු වුවහොත් සම්පුර්ණ වගකීම රජය දැරිය යුතු බවද විශ්ව විද්‍යාල ආචාර්ය සමිති සම්මේලනය නිවේදනයක් නිකුත් කරමින් පවසා ඇත.
සම්පූර්ණ නිවේදනය පහත දැක්වේ.
