සාරංග මධුෂාන් නැමති රූමස්සල පදිංචි පුද්ගලයාට පසුගියදා(13) රාත්‍රියේ ප්‍රහාරයක් එල්ල වී ඇතැයි පරිසර සංවිධාන එකමුතුවේ කැඳවුම්කරු අඳුරත්විල චන්ද්‍රජෝති හිමි පවසයි. සාරංග මධුෂාන්ගේ ව්‍යාපාරික ස්ථානයටද බරපතල හානි සිදුකර ඇති බව පැවසේ.
අඳුරත්විල චන්ද්‍රජෝති හිමියන් පවසන පරිදි මහා පරිමාණ හෝටල් හිමියෙකුගේ අවශ්‍යතාවයක් වෙනුවෙන් රූමස්සල අභය භූමිය විනාශ කර අඩිපාරක් විශාල පාරක් බවට පත්කර ගැනීමට විශාල මෙහෙයුමක් ක්‍රියාත්මක වෙමින් පවතියි. ඒ සඳහා ලාභ ප්‍රයෝජනයට නතුකරගැනීමට පුළුවන් පිරිසක් සහ දේශපාලන හෙන්චයියියන් පිරිසක් නිර්මාණය කරමින් සිටින බවත් මෙම පහරදීම පිටුපස සිටින්නේ මෙම හෙන්චයියන් බවත් එම හිමියන් පවසයි.
අඳුරත්විල චන්ද්‍රජෝති හිමි වැඩිදුරටත් පැවසුවේ,
“පහරදීමට සම්බන්ධ සියලු දෙනා අත්අඩංගුවට ගන්න ඕනා. ඔවුන්ට විරුද්ධව නීතිය ක්‍රියාත්මක වෙන්න ඕනා. සාරංග මධුෂාන්ට එල්ල කරපු මැර ප්‍රහාරය පරිසර සංවිධාන එකමුතුව ලෙස වගේම මේ රටේ පරිසරයට ආදරය කරන මිනිස්සු හැටියට හෙළා දකිනවා.
මේ අතර මෙම පහරදීමට සම්බන්ධව සැකපිට අත්අඩංගුවට ගත් දෙදෙනෙකු අධිකරණයට ඉදිරිපත් කිරීමෙන් පසු ලබන 18වැනිදා දක්වා රිමාන්ඩ් භාරයට පත්කර ඇති බව වාර්තා වේ. එසේම පහර කැමට ලක්වූ සාරන්ග මධුෂාන් රෝහල් ගතව ප්‍රතිකාර ලබමින් සිටියි.
