ඇමරිකානු සිවිල් යුද්ධය ඇති වූයේ 1861 වසරේ දී දකුණේ ප්‍රාන්ත රාජ්‍ය හතක් එක්සත් ජනපදයෙන් වෙන් වීමට තීරණය කිරීමත් සමගිනි. මෙයට හේතුව වූයේ කළු ජාතිකයන් ගේ වහල් බව අහෝසි කිරීමට එම ප්‍රාන්ත රාජ්‍ය අකමැති වීමයි. එම ප්‍රාන්ත රාජ්‍ය එකතු වී පිහිටුවා ගත් නොනිල රාජ්‍යය හැඳින්වූයේ ‘කොන්ෆෙඩරසිය’ (Confederacy) කියාය.
ඒබ්‍රහම් ලින්කන් ගේ පාලනයෙන් යුත් නිල එක්සත් ජනපද රාජ්‍යයට විරුද්ධව කොන්ෆෙඩරේට් හමුදාව වසර ගණනක් යුද්ධ කිරීමෙන් පසු අවසානයේ දී පරාජය විය. 1865 දී ලින්කන් විසින් වහල් ක්‍රමය අහෝසි කරන ලදී. ඊයේ ඇමරිකානු ජනාධිපතිවරණ නිල ප්‍රතිඵල වලට විරෝධය පල කරමින් ඇමරිකානු ව්‍යවස්ථාදායකයේ නිල ගොඩ නැගිල්ලට කඩා වැදුණු පිරිස අතර සිටි ‘ජාතිකත්වයක් ඇති’ ට්‍රම්ප් සහායකයෙක්, වහල් සේවය පවත්වා ගැනීමට යුධ වැදුණු කොන්ෆෙඩරේට් කොඩිය, ඒබ්‍රහම් ලින්කන් ගේ සිතුවම ඉදිරියේ, ඔසවමින්.
