නොවැම්බර් 29 ඉරිදා සිට ලොම්බාර්දියා කලාපය රතු කලාපයෙන් ඉවත්ව තැඹිලි කලාපය බවට පත්වේ. හෙට සිට බලාත්මක වන පරිදි අද දින (නොවැම්බර් 28 සෙනසුරාදා) නිල ගැසට් පත්රය නිකුත් කරණු ඇතැයි අපේක්ෂා කෙරේ.
පැවති ලෙසම ඇඳිරි නීතිය රාත්රී 10 සිට අලූයම 5 දක්වා ක්රියාත්මක වන අතර රැකියා, ආහාර අවශ්යතා සහ සෞඛ්යය පිළිබඳ අවශ්යතා හැර ඔබේ ප්රාදේශිය හෝ නගර සීමාවෙන් සහ කලාපයෙන් පිටත ගමන් කිරීම තහනම් කර ඇත.
බාර් සහ අවන්හල් සඳහා වන නීති වෙනස් නොවන අතර ඒවා රාත්රී 10 දක්වා ආහාර පිටත රැගෙන යාමට සහ බෙදා හැරීමට පමණක් අවසර දී ඇත.
වාණිජ ක්ෂේත්රය තුළ, සියලූ ක්රියාකාරකම් සීමාවකින් තොරව නැවත විවෘත කිරීමට හැකි වන අතර සුපුරුදු අනුකූලතාවය පවත්වා ගත යුතුවේ. එහෙත් ආරක්ෂක ප්රොටෝකෝලයට අනුව ඖෂද සහ උපකරණ වෙළඳසැල්, සෞඛ්ය මධ්යස්ථාන, ආහාර අලෙවිසැල්, දුම්කොළ වෙළඳ සැල් සහ ප්රවෘත්ති පත්ර අලෙවි සැල් හැර සෙසු ආලෙවි ආයතන නිවාඩු සහ පූර්ව නිවාඩු දිනවල වසා තැබිය යුතුවේ.
පුද්ගලික සේවාවන් සම්බන්ධයෙන් ගත් කල, රූපලාවණ්ය මධ්යස්ථාන ද තැඹිලි කලාපයට මාරුවීමත් සමග නැවත විවෘත කළ හැකිය. නමුත් ක්රිඩක ක්රිඩිකාවන් සඳහා අත්යාවශ්ය පුනරුත්ථාපන හා පුහුණු කටයුතු හැර ජිම්, පිහිනුම් තටාක, පිහිනුම් මධ්යස්ථාන, සුවතා මධ්යස්ථාන සහ ස්පා වල ක්රියාකාරකම් අත්හිටුවා ඇත.
